ޕާޓީ ތެރޭގައި ހިޔާލު ތަފާތު ވިޔަސް މަންޒަރު ކިލަނބުވާ ފަދަ ކަމެއް ނުކުރާނަން: ރައީސް ޞާލިޙް
ޕާޓީ އެތެރޭގައި ހިޔާލު ތަފާތު ވިޔަސް މަންޒަރު ކިލަނބުވާ ފަދަ ކަމެއް ނުކުރައްވާނެ ކަމަށް ރައީސުލްޖުމްހޫރިއްޔާ އިބްރާހީމް މުހައްމަދު ޞާލިޙް ވިދާޅުވެއްޖެއެވެ.
ށ. ފުނަދޫގެ އެމްޑީޕީ މެމްބަރުންނާ ބައްދަލުކުރައްވައި ރައީސް ޞާލިޙް ވިދާޅުވީ، އެ ޕާޓީ ތެރޭގައި ހިޔާލު ތަފާތުވުންތައް އުޅުނަސް އެކަންތައްތައް ހައްލުވާނެ ކަމަށާއި އެމްޑީޕީއާ ވާދަކުރެވޭނެ ވަރުގެ އެހެން ޕާޓީއެއް ރާއްޖޭގައި ނޯންނާނެ ކަމަށެވެ.
މީގެ އިތުރުން، އެމްޑީޕީގެ ކަންކަން ކުރެއްވުމުގައި ރައީސް ޞާލިޙަށް ކުރެއްވެން ހުރި މަސައްކަތެއް ކޮށްދެއްވާނެކަމުގެ ޔަގީންކަން ދެއްވާކަމަށާއި އެ ޕާޓީއާއެކު ކުރިއަށް ވަޑައިގަންނަވާނެ ކަމަށް ވެސް ރައީސް ޞާލިޙް ވިދާޅުވިއެވެ.
ރައީސް ޞާލިޙް މިވަގުތު ގެންދަވަނީ ށ. އަތޮޅަށާއި ރ. އަތޮޅުގެ ބައެއް ރަށްތަކަށް ދަތުރުކުރައްވަމުންނެވެ. އަދި މި ރަސްމީ ދަތުރުފުޅުގެ ތެރެއިން ރައީސުލްޖުމްހޫރިއްޔާ، އެ ރަށްރަށުގެ ކައުންސިލްތަކާއި، އަންހެނުންގެ ތަރައްޤީއަށް މަސައްކަތްކުރާ ކޮމިޓީތަކުގެ އިތުރުން، މަސްވެރިންނާއި، ދަނޑުވެރިންނާ ބައްދަލުކުރެއްވުމަށް ހަމަޖެހިފައިވެއެވެ. އަދި، ރައީސުލްޖުމްހޫރިއްޔާގެ ދެކަނބަލުންގެ މި ދަތުރުފުޅުގައި ރ. އަލިފުށީގައި މިނިސްޓްރީ އޮފް އިކޮނޮމިކް ޑިވެލޮޕްމަންޓްގެ ފަރާތުން ޤާއިމުކޮށްފައިވާ ޖޮބް ސެންޓަރުގެ ޚިދުމަތް ވެސް އިފްތިތާޙްކޮށްދެއްވުމަށް ހަމަޖެހިފައިވެއެވެ.
Ads by STO
