މީހާ ވަރަށް ބޮޑަށް ބޭޒާރުވެއްޖެ، މަގުމަތީގައި ވެސް އުޅެވޭ ވަރެއް ނޫން: ޔާޔާ

ބަރަހަނާ ވީޑިއޯ އާންމުކުރި މައްސަލައިގައި ހައްޔަރު ކުރި "ޔާޔާ" ނަބީލު ވަރަށް ބޮޑަށް ބޭޒާރުވެއްޖެ ކަމަށާއި މަގުމަތީގައި ވެސް އުޅެވޭ ވަރެއް ނޫން ކަމަށް އޭނާ ބުނެފިއެވެ.

Ads by STELCO

މީސް މީޑިއާއަށް ބަރަހަނާ ވީޑިއޯ އާންމުކުރި މައްސަލައިގައި "ޔާޔާ" ހައްޔަރު ކުރީ މި ހަފްތާ ތެރޭގައެވެ.

ކޯޓުގައި ނަބީލް ބުނީ ސޯޝަލް މީޑިއާގައި ދައުރުވާ އޮރިޔާންކާޑު ވީޑިއޯއަކީ އޭނާ ހަދައިފައިވާ ވީޑިއޯއެއް ނޫން ކަމަށާއި، އެ ވީޑިއޯއަކީ އޭނާގެ ވީޑިއޯއެއް ނޫން ކަމަށެވެ. އަދި ޓިކްޓޮކްއަށް 3 މިނެޓްގެ ވީޑިއޯއެއް ނުލެވޭނެކަމަށާއި ލެވޭނީ 60 ސިކުންތުގެ ވީޑިއޯ ކަމަށް އޭނާ ބުންޏެވެ.

ނަބީލް ބުނީ އެއީ ބަޔަކު އޭނާ ބޭޒާރުކުރަންވެގެން މޫނު އެޑިޓްކޮށްގެން ހަދައިފައިވާ ވީޑިއޯއެއްކަމަށެވެ. އޭނާ އަންހެން ހެދުން އަޅައިގެން ޓިކްޓޮކް ވީޑިއޯ އުފައްދައިފައި ވާނެކަމަށް އިއުތިރާފްވެފައިވެއެވެ. އަދި މިހާރު ހުރީ ވަރަށްބޮޑަށް ބޭޒާރުވެފައި ކަމަށާއި މަގުމަތީގައި ވެސް ނޫޅެވޭކަމަށާއި، އޭނާއަށް މަރުގެ އިންޒާރު ދީފައިވާކަމަށް ވެސް ކޯޓުގައި ނަބީލް ބުނެފައިވެއެވެ.

ޝަރީއަތުގައި ފުލުހުން ވަނީ ބަރަހަނާވި ވީޑިއޯގައި ނަބީލް ލައިގެން އުޅުނު ކަމަށް ބުނާ އަންނައުނު، އޭނާ ދިރިއުޅޭ ކޮޓަރިން ފެނިފައިވާ ކަމަށް ބުނެފައެވެ.

ޔާޔާ"އަކީ އަންހެން ހެދުން އަޅައިގެން ވަރަށް ގިނައިން ފޮޓޯއާއި ވީޑިއޯ އާންމު ކޮށްފައިވާ ފިރިހެނެކެވެ. އޭނާގެ އެ ޢަމަލުތަކުގެ ސަބަބުން އެތައް ބަޔަކު ވަނީ މީގެ ކުރިން ވެސް ނުރުހުން ފާޅުކޮށްފައެވެ.