މާފުށީ ޖަލުގައި ގައިދީއަކު އެހެން ގައިދީއެއްގެ ގަޔަށް ހޫނު ފެން ޖަހައިފި

ކ. މާފުށީ ޖަލުގައި ހަމަނުޖެހުމެއް ހިނގައި، ގައިދީއަކު އެހެން ގައިދީއެއްގެ ގަޔަށް ހޫނު ފެން ޖަހައިފިއެވެ.

ކަރެކްޝަނަލް ސާވިސްގެ ތަރުޖަމާނު ޔުސްރީން އަހްމަދު "ދެން"އަށް މައުލޫމާތު ދެއްވަމުން ވިދާޅުވީ، މާފުށީ ޖަލުގައި ގައިދީއަކު އެހެން ގައިދީއެއްގެ ގަޔަށް ހޫނު ފެން ޖަހައިގެން އެތަނުގައި ފަރުވާ ދެމުން ދާ ކަމަށެވެ.

"ދެން"އަށް އެނގިފައިވާ ގޮތުގައި ހޫނު ފެން ޖަހައިފައި ވަނީ ހިނގި ދެބަސްވުމެއްގައި، ފިރިހެން ގައިދީއަކު އެހެން ފިރިހެން ގައިދީއެއްގެ ގަޔަށެވެ.

މީގެ ދެތިން ދުވަސް ކުރިން ހިނގި މި ހާދިސާ ކަމާ ގުޅުން ހުރި އިދާރާތަކުން ދަނީ ބަލަމުންނެވެ.