Saturday, 21 November 2026
Advertisement
Ooredoo — Article-Top (leaderboard)
ޚަބަރު

ހުޅުމާލޭގައި މިރޭ ހަވާ އަރުވަނީ

ހުޅުމާލޭގެ ދެވަނަ ފިޔަވަހީގެ އިރުމަތީ ފަރާތު ކަނޑުގެ ސަރަހައްދުގައި މިރޭ ހަވާ އެރުވުމުގެ ހަރަކާތެއް ކުރިއަށް ގެންދިއުމަށް ވަނީ ހަމަޖެހިފައެވެ.

ހުޅުމާލޭގައި މިރޭ ހަވާ އަރުވަނީ

ހުޅުމާލޭގެ ދެވަނަ ފިޔަވަހީގެ ކަނޑުގެ ސަރަހައްދުގައި މިރޭ ހަވާ އެރުވުމުގެ ހަރަކާތެއް ކުރިއަށް ގެންދިއުމަށް ހަމަޖެހިފައިވާ ކަމަށް ދިފާއީ، ވަޠަނީ ޚިދުމަތާ ބެހޭ ވުޒާރާ (އެމްއެންޑީއެފް)އިން ބުނެފިއެވެ.

ދިފާއީ ބާރުން ބުނީ މި ހަރަކާތް ކުރިއަށްދާނީ މިރޭ 7:30އާއި 9:30އާ ދެމެދުގެ ވަގުތެއްގައި ކަމަށެވެ. ހަވާ އަރުވާނީ ހުޅުމާލެ ދެވަނަ ފިޔަވަހީގެ އިރުމަތީ ފަރާތު ކަނޑުގެ ސަރަހައްދުގައެވެ.

މިއީ އަމިއްލަ ފަރާތެއްގެ ހަފުލާއަކާ ގުޅިގެން ސިފައިންގެ ކޯޕަރޭޓިވް (ސިފްކޯ)އިން ވިޔަފާރި އުސޫލުން ކުރިއަށްގެންދާ ހަރަކާތެކެވެ. މި ހަރަކާތުގައި މެދުކެނޑުމެއްނެތި ގާތްގަނޑަކަށް ހަތް މިނެޓު ވަންދެން ހަވާ އެރުވުން ކުރިއަށްދާނެ ކަމަށް އެމްއެންޑީއެފުން މައުލޫމާތުދެއެވެ.

އަމިއްލަ ފަރާތެއްގެ ހަރަކާތެއްގައި މިހާ ގިނަ ވަގުތު ހަވާ އަރުވާ މިއީ ފުރަތަމަ ފަހަރުކަން ފާހަގަކޮށްލެވެއެވެ. ރާއްޖޭގައި އާންމުކޮށް ވިޔަފާރި އުސޫލުން ހަވާ އަރުވައިދެނީ ސިފްކޯ މެދުވެރިކޮށެވެ.

ރިއެކްޝަން

Advertisement
Ooredoo — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.