އިންތިޚާބު ވަރަށް ވާދަވެރި، ވޯޓް ލާން ނިކުންނަ މެންބަރުން އިތުރުވާނެ: އެމްޑީޕީ
ހޮނިހިރު ދުވަހު އޮންނަ ، ވެރިކަން ކުރާ މޯލްޑިވްސް ޑިމޮކްރެޓިކް ޕާޓީ (އެމްޑީޕީ)ގެ ދާއިރާތަކުގެ އިންތިޚާބު ވަރަށް ވާދަވެރި ކަމަށާއި އިންތިޚާބުގައި ވަރަށް ގިނަ އަދަދެއްގެ މެންބަރުން ވޯޓް ލުމަށް ނިކުންނާނެ ކަމަށް ލަފާ ކުރެވޭ ކަމަށް އެ ޕާޓީގެ ޗެއާޕާސަން ހަސަން ލަތީފް ވިދާޅުވެއްޖެއެވެ.
އެމްޑީޕީގެ އެތެރޭގެ އިންތިޚާބުގައި ޖުމްލަ، 733 ކެނޑިޑޭޓުން ވާދަކުރެއެވެ. އެމްޑީޕީގެ އެތެރޭގެ އިންތިހާބުގައި ޕްރޮވިންސްތަކާއި ސިޓީތަކާއި ދާއިރާތަކަށް 455 ބޭފުޅުން އިންތިހާބު ކުރުމަށް ހަމަޖެހިފައިވާއިރު އިންތިހާބުގެ ވޯޓް ނެގުުމުގެ ކުރިން 165 ކެނޑިޑޭޓަކު ވަނީ ހޮވިފައެވެ.
އިންތިޚާބުގެ އެންމެ ފަހުގެ އަދާހަމަ ހިއްސާ ކުރުމަށް މިއަދު ބޭއްވި ނޫސްވެރިންގެ ބައްދަލުވުމެއްގައި ވާހަކަފުޅު ދައްކަވަމުން ހަސަން ލަތީފް ވިދާޅުވީ، އިންތިޚާބުގެ ކެންޕެއިން ހަރަކާތްތަކުން މި އިންތިޚާބަކީ ވަރަށް ފޯރިގަދަ އިންތިޚާބަކަށް ވާނެ ކަމަށް ޔަޤީންވާ ކަމަށެވެ. އަދި މި އިންތިޚާބު ކާމިޔާބު ކުރާ ފަރާތްތަކަކީ މުހިންމު ބައެއް ކަމަށާއި އިންތިޚާބު ކުރެވޭ މެންބަރުންނަކީ ޕާޓީ ދެމިއޮތުމަށް އިންތިޚާބު ކުރެވޭ މެންބަރުންނަށް ހަދަން ޖެހޭ ކަމަށް ވިދާޅުވިއެވެ.
"އިންތިޚާބަށް ތައްޔާރުވަމުން ދިޔަ ގޮތާއި، އިންތިޚާބުގެ ކެމްޕެއިންގެ ކަންކަން ކުރިއަށްދާ ގޮތުން ވެސް އިންތިޚާބުގެ ފޯރި ވަރަށް ގަދަވާނެ. މި އިންތިޚާބުގެ ނަތީޖާ ވަރަށް މުހިންމު ވާނެ. އިންތިޚާބުގެ ނަތީޖާ މުހިންމު ވަނީ ޕާޓީ ޕާޓީއެއްގެ ގޮތުގައި ދެމިއޮތުމަށް. އިންތިޚާބު ކުރެވޭ މެމްބަރުން ވާންޖެހޭ ޕާޓީ ދެމިއޮތުމަށް އިންތިޚާބު ކުރެވޭ މެމްބަރުންނަށް." ހަސަން ލަތީފް ވިދާޅުވިއެވެ.
ހަސަން އިތުރަށް ވިދާޅުވީ، ލޯކަލް ކައުންސިލް އިންތިޚާބަށް ވުރެ ގިނައިން މީހުން ވޯޓްލާން ނިކުންނާނެ ކަމަށް ޔަޤީން ކުރެވޭ ކަމަށެވެ. އަދި ގިނަ މެންބަރުން ވޯޓް ލާން ނިކުންނާނެކަން އެނގެނީ އޮޕިޝަލުން ހޯދަން މަސައްކަތް ކުރިއިރު ކެންޕެއިންގައި ބައިވެރި ނުވާ މެންބަރުން ހޯދަން އުނދަގޫވުމުން ކަމަށް ވެސް އޭނާ ވިދާޅުވިއެވެ.
