އަލިފުށިން ވެސް ކާމިޔާބު ހޯދީ ރައީސް ޞާލިޙްގެ ކެނޑިޑޭޓް!
މިއަދު ބޭއްވި އެމްޑީޕީގެ އެތެރޭގެ އިންތިހާބުގައި ވާދަވެރިކަން ބޮޑުވި، އަލިފުށީ ދާއިރާގެ ރައީސްކަން މުހައްމަދު ރަޝީދު (ބިގޭ) ކާމިޔާބު ކުރައްވައިފިއެވެ.
އަލިފުށީ ދާއިރާގެ ރައީސްކަމުގެ ވާދަވެރިކަން ބޮޑުވެފައި ވަނީ އެ ގޮނޑިއަށް ރައްޔިތުން މަޖިލީހުގެ ދެ މެމްބަރުން ވާދަ ކުރެއްވުމާ ގުޅިގެންނެވެ. އެ ގޮތުން ބިގޭ މިއަދު ކުރި ހޯއްދަވައިފައި މި ވަނީ އަލިފުށީ ދާއިރާގެ ރައީސްކަމަށް ވާދަ ކުރެއްވި އިނގުރައިދޫ ދާއިރާގެ މަޖިލިސް މެންބަރުކަން ކުރެއްވި ހަސަން އަހުމަދު (ހަސަންޓޭ) ބަލި ކުރައްވައިގެންނެވެ.
މެއި ހަވަނަ ދުވަހު ރައީސް ނަޝީދަށް ދިން ހަމަލާއާ ގުޅިގެން ފަސް ކުރެވުނު މި އިންތިޚާބު ވާދަވެރިވެ އެމްޑީޕީގެ ދަފުތަރުގައި އޮންނަ ގިނަ ބަޔަކު ވޯޓްލައިފައި ވެއެވެ. އިންތިޚާބުގެ ވާދަވެރިކަން އިތުރުވެގެން ދިޔައީ ރައީސް ޞާލިޙާއި ރައީސް ނަޝީދާ ދެމެދު އުފެދިގެން ދިޔަ ނުތަނަވަސްކަމުގެ ސަބަބުންނެވެ. އެކަމުގެ ސަބަބުން ދެ ރައީސުންގެ ކެނޑިޑޭޓުން ވަނީ އިންތިޚާބުގައި ވާދަކޮށްފައެވެ. ނަމަވެސް މި އިންތިޚާބުގައި ކުރި ހޯދަމުން ދަނީ ރައީސް ޞާލިޙަށް ތާއީދު ކުރައްވާ ކެނޑިޑޭޓުންނެވެ.
އެހެން ދާއިރާތައް ވެސް ކިޔާލަބަ.. އޭރުން ދޯ އަޅާ ކިޔާލެވޭނީ ވެސް..