ދެން އޮތީ މާލޭ ރައްޔިތުންނަށް ހައްގުވާ މިންވަރު ހޯދުމަށް ޕާޓީތެރެއިން މަސައްކަތް ފެށުން: ޝިފާ

ދެން ކުރަން އޮތް އެންމެ މުހިންމުކަމަކީ މާލޭ ރައްޔިތުންނަށް ހައްގުވާ މިންވަރު ހޯދުމަށް ޕާޓީ ތެރެއިން މަސައްކަތް ފެށުން ކަމަށް އެމްޑީޕީގެ މާލެ ސިޓީ ދާއިރާގެ ރައީސްކަމަށް އިންތިޚާބުވި ޝިފާ މުހައްމަދު ވިދާޅުވެއްޖެއެވެ.
ޝިފާ ކުރެއްވި ޓްވީޓެއްގައި ވިދާޅުވީ މީސް މީޑިއާގެ ޒަރީޔާތަކުން، ހުއްޓުމެއް ނެތި ތާއީދު އޮއްސަމުން ގެންދެވި އެންމެހައި ފަރާތްތަކަށް ޝުކުރު ދަންނަވާ ކަމަށާއި މާލޭ ރައްޔިތުންގެ ނިންމުމުން ސާފުވެގެން ގޮސްފައި ވަނީ ޕާޓީން ވެފައިވާ ވައުދުތަކާއި، ސިޔާސަތުތަކާ އެކު މަސައްކަތް ފެށުންކަމަށެވެ. އަދި މިކަން ކުރުމުގައި ޕާޓީގެ ތެރެއިން މަސައްކަތް ފަށަން ޖެހޭ ވަގުތަކީ މިއީ ކަމަށާއި، މިކަން ކުރުމުގައި ކުރަންޖެހޭ މަސައްކަތް ކުރާނެކަމަށް ޝިފާ ވަނީ ވިދާޅުވެފައެވެ.
https://twitter.com/sifamohammed/status/1442740353950384132?s=21
މޯލްޑިވްސް ޑިމޮކްރެޓިކް ޕާޓީ (އެމްޑީޕީ)ގެ ދާއިރާތަކުގެ އިންތިހާބުގައި މާލޭ ދާއިރާގެ ރައީސް ކަމަށް ޝިފާ އިންތިހާބު ވެފައި ވަނީ އަކުރަމް ކަމާލުއްދީންއާއި އަހުމަދު މުނާޒު މޫސާއާ ވާދަކޮށެވެ. އަކްރަމަކީ މިހާރު ވެސް އެމްޑީޕީ މާލެ ދާއިރާގެ ރައީސެވެ. މި އިންތިހާބުގައި 3 ރަށެއް ފިޔަވައި ރާއްޖޭގެ ހުރިހާ ރަށެއްގައި ވެސް ވޯޓުލުން ކުރިއަށް ގެންދިޔައެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.