Monday, 16 November 2026
Advertisement
Ooredoo — Article-Top (leaderboard)
ސިޔާސީ

އަދާލަތުން ޕީއެންސީއާ އެކު ކޯލިޝަން އެއްބަސްވުމުގައި ސޮއިކޮށްފި

2028 ގެ ރިޔާސީ އިންތިހާބުގައި ރައީސް މުއިއްޒުއަށް ތާއިދުކުރަން އަދާލަތުން ޕީއެންސީއާއެކު އެއްބަސްވުމެއްގައި ސޮއިކުރުން-- ފޮޓޯ/ އަދާލަތު ޕާޓީ
2028 ގެ ރިޔާސީ އިންތިހާބުގައި ރައީސް މުއިއްޒުއަށް ތާއިދުކުރަން އަދާލަތުން ޕީއެންސީއާއެކު އެއްބަސްވުމެއްގައި ސޮއިކުރުން-- ފޮޓޯ/ އަދާލަތު ޕާޓީ

2028ގެ ރިޔާސީ އިންތިހާބުގައި ރައީސް ޑރ. މުހައްމަދު މުއިއްޒުއަށް ތާއިދުކުރަން އަދާލަތު ޕާޓީން ވެރިކަންކުރާ ޕީއެންސީއާއެކު އެއްބަސްވުމެއްގައި މިއަދު ސޮއިކޮށްފިއެވެ.

 މި ދައުރުގެ ބާކީ އޮތް މުއްދަތުގައިވެސް ސަރުކާރުގެ ބައިވެރިއެއްގެ ގޮތުގައި މަސައްކަތް ކުރަން ނިންމައި ރިޔާސީ އިންތިހާބުގައި ޕީއެންސީއަށް ތާއިދުކުރަން އަދާލަތު ޕާޓީން ނިންމީ މިދިޔަ ހޮނިހިރު ދުވަހު ބޭއްވި އެ ޕާޓީގެ ބައްދަލުވުމެއްގައެވެ.

އަދި ރައީސް މުއިއްޒު ވެސް ބައިވެރިވެވަޑައިގެންނެވި ހާއްސަ ރަސްމިއްޔާތެއްގައި ވަނީ އެ އެއްބަސްވުމުގައި ސޮއިކޮށްފައެވެ.

އެ އެއްބަސްވުމުގައި އަދާލަތު ޕާޓީން ސޮއިކުރެއްވީ އެ ޕާޓީގެ ރައީސް ޝައިހު މުހައްމަދު ޝިފާންއެވެ. އަދި ޕީއެންސީގެ ފަރާތުން ސޮއިކުރެއްވީ އެ ޕާޓީގެ ޗެއާޕާސަން އަބްދުއް ރަހީމް އަބްދުﷲއެވެ.

އަދާލަތު ޕާޓީން ބުނީ ދީނުގެ ކަންކަން ހަރުދަނާކޮށް ގައުމުގެ ސިޔާދަތާއި މިނިވަންކަން ދިފާއުކޮށް ގައުމުގެ އިގުތިސޯދު ރަނގަޅުކުރުމަށް ރައީސް ޑރ. މުހައްމަދު މުއިއްޒު ކުރައްވަމުން ގެންދަވާ މަސައްކަތްތައް އިތުރަށް ވަރުގަދަކޮށް ރިޔާސީ އިންތިހާބަށް އިއްތިހާދުވާން ރައީސް މުއިއްޒުއާއި ޕީއެންސީން އޮތީ ދައުވަތުދީފައި ކަމަށެވެ.

އަދި މަސްލަހަތު މިވަގުތު އޮތީ ގުޅިގެން މަސައްކަތް ކުރުން ކަމަށްވާތީ ރައީސް މުއިއްޒު ދެއްވި ދައުވަތު ގަބޫލުކޮށް ކުރިއަށް އޮތް ރިޔާސީ އިންތިހާބުގައި ރައީސް މުއިއްޒުއާ ކޯލިޝަން ހަދަން ނިންމީކަމަށް އަދާލަތު ޕާޓީން ބުންޏެވެ.




ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.