Sunday, 15 November 2026
Advertisement
Ooredoo — Airfibre (leaderboard)
އެފްރިކާ

ހަތިޔާރު އެޅި މީހަކު ނައިޖީރިއާގެ ޖަލަކަށް ހަމަލާދީ ކުށްވެރިންތަކެއް މިނިވަންކޮށްފި

ހަތިޔާރު އެޅި މީހަކު ނައިޖީރިއާގެ ޖަލަކަށް ހަމަލާދީ ކުށްވެރިންތަކެއް މިނިވަންކޮށްފި

ހަތިޔާރު އެޅި މީހަކު ނައިޖީރިއާގެ ޖަލަކަށް ހަމަލާދީ އެޖަަލުގައި ހައްޔަރުކޮށްފައިވާ ބައެއް ކުށްވެރިން މިނިވަންކޮށްފިއެވެ.

ނައިޖީރިޔާގެ އޮޔޯ ކަރެކްޝަނަލް ސެންޓަރުގެ ސްޕޯކްސް ޕާރސަން އޮލަންރެވަޖު އަންޖޮރިން އެސޯސިއޭޓެޑް ޕްރެސްއަށް ވިދާޅުވީ މިދިޔަ ހުކުރު ދުވަހުގެ ރޭ ދަންވަރުގެ ވަގުތެއްގައި ބަޑި ހިފައިގެން ހުރި މީހަކު އެ ސެންޓަރަށް ހަމަލާ ދީފިއެވެ.

ނައިޖީރީއާގެ ޖަލެއްގައި ދިން މިހަމަލާ ދިންތާ ކުޑަ އިރުކޮޅެއްގެ ތެރޭގައި ޖަލު އޮފިސަރުން ވަނީ ޖަލުގެ ކޮންޓްރޯލް ހޯދައިފައެވެ. އެހެން ނަމަވެސް އޭރު ބައެއް ގޮޅިތަކުން ވަނީ މީހުން މިނިވަންކޮށްފައެވެ.

Advertisement
Ooredoo — Square (box)

ނައިޖީރިއާގެ ޖަލުތަކަށް ހަމަލާދީ ކުށްވެރިން މިނިވަން ކުރުން ވަނީ މިފަހަކަށް އައިސް އާއްމު ކަމަކަށްވެފައެވެ. މިގޮތުން މިއީ މިއަހަރުގެ މިހާތަނަށް ވެސް ދިން މިފަދަ 3 ވަނަ ހަމަލާއެވެ. މިފަދަ ހަމަލާތަކުގައި 4 ހާހަށް ވުރެ ގިނަ ކުށްވެރިން މިނިވަން ކޮށްފައިވާކަމަށް ރިޕޯޓްތައް ބުނެއެވެ.

ރިޕޯޓްތައް ބުނާ ގޮތުގައި މިހިނގާ 2021ވަނަ އަހަރު އެކަނި ވެސް ނައިޖީރިއާގެ ޖަލުތަކުން މިގޮތަށް މިނިވަން ކުރި ކުށްވެރިންގެ އަދަދުގެ 2000އަށް ވުރެ މަތިވާނެއެވެ. މީގެ ތެރޭގައި މިދިޔަ ސެމްޓެމްބަރު މަހުގެ 13 ވަނަ ދުވަހު ވެސް ބަޑިއާއި ގޮވާތަކެތި ބޭނުންކޮށްގެން ޖަލުތައް ފަޅައިލައި 240 މީހުން މިނިވަން ކޮށްފައިވާއިރު މިދިޔަ އޭޕްރީލް މަހުގެ 5 ވަނަ ދުވަހު ނައިޖީރީއާގެ ސައުތު އީސްޓް އިމޯ ސްޓޭޓްގެ ޖަލަކުން ވެސް ވަނީ 1800 އެއްހާ ކުށްވެރިން މިނިވަން ކޮށްފައެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.