މަޖީދިއްޔާ ސުކޫލްގެ އިންޑިއާ ދަރިވަރެއް ޤުރުއާނަށް ޖޯކް ޖަހައި މަލާމާތްކުރި މައްސަލައެއް!

މަޖީދިއްޔާ ސުކޫލްގެ ގްރޭޑް3ގައި ކިޔަވަމުންދާ ދަރިވަރެއް އިސްލާމްދީނަށް ތައުހީނުކޮށް ޤުރުއާނަށް ޖޯކް ޖަހައި ފުރައްސާރަކުރި މައްސަލައެއް ފެންމަތިވެއްޖެއެވެ.
މިކަން ހިނގައިފައި ވަނީ އިއްޔެ އެ ދަރިވަރު ނިސްބަތްވާ ކްލާހުގެ ޤުރުއާން މާއްދާގެ ގަޑީގައެވެ. ޤުރުއާނަށް ޖޯކްޖެހި ދަރިވަރަކީ އިންޑިއާއަށް ނިސްބަތްވާ ފިރިހެން ކުއްޖެކެވެ.
މައުލޫމާތު ލިބިފައިވާ ގޮތުގައި އިއްޔެ މި އަމަލު ހިންގި ދަރިވަރަކީ ކްރިސްޓިއަން ދެމަފިރިއެއްގެ ކްރިސްޓިއަން ކުއްޖެކެވެ. އޭނާ އިއްޔެ ވަނީ ޤުރުއާނަށް ފުރައްސާރަ ކުރުމުގެ އިތުރުން ކްރިސްޓިއަން ދީނުގެ ވާހަކަ ވެސް ކްލާހުގައި ދައްކައިފައެވެ. އެގޮތުން ޙައްޤު ދީނަކީ ކްރިސްޓިއަން ދީން ކަމަށާއި އިސްލާމް ދީނަކީ ބާތިލް ދީނެއް ކަމަށް ބުނެ ކްލާހުގައި އަޑުގަދަ ކޮށްފައި ވެއެވެ.
މިކަމާ ގުޅިގެން މަޖީދިއްޔާ ސުކޫލުން ވަނީ އެ ކުއްޖާއާ ވާހަކަ ދައްކައިފައެވެ. އަދި އެ ކުއްޖާ ވަނީ އެ ކުއްޖާގެ އެ ޢަމަލަށް ޓަކައި މަޢާފަށް ވެސް އެދިފައެވެ.
މި މައްސަލައާ ގުޅިގެން ކަންބޮޑުވުން ފާޅުކުރި އެ ސުކޫލުގެ ބެލެނިވެރިއަކު ބުނީ އުމުރުން ދިހަ ވަރަކަށް އަހަރުގެ ކުއްޖަކު އެފަދަ ކަންކަން ކުރުމަކީ އަޅައިނުލައި ދޫކޮށްލެވޭ ވަރުގެ ކަމެއް ނޫން ކަމަށާއި އެ އުމުރުގެ ކުއްޖެއްގެ ކިބައިން އެފަދަ ޢަމަލެއް ފެނުމަކީ ވަރަށް ގޯސް ސިގްނަލެއް ކަމަށެވެ.




.jpg)
.jpeg)

ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.