Saturday, 14 November 2026
Advertisement
Ooredoo — Article-Top (leaderboard)
ސަރުކާރު

ތިލަފުށީގައި ކުނިން ހަކަތަ އުފައްދަން 304 މިލިއަން ޑޮލަރުގެ މަޝްރޫއެއް

ތިލަފުށީގައި ކުނިން ހަކަތަ އުފައްދަން 304 މިލިއަން ޑޮލަރުގެ މަޝްރޫއެއް

ރާއްޖޭގައި އުފެދޭ ކުނިން ހަކަތަ އުފެއްދުމަށް ޓަކައި 304 މިލިއަން ޑޮލަރުގެ ބޮޑު މަޝްރޫއެއް ސަރުކާރުން އިފްތިތާހުކޮށްފިއެވެ.

ދެ ފިޔަވައްސަކަށް ބަހާލައިގެން ކުރިއަށް ގެންދާ މި މަޝްރޫއުއަށް ފައިސާ ހަރަދުކުރަން ހަމަޖެހިފައި ވަނީ އޭޝިއަން ޑިވެލޮޕްމެންޓް ބޭންކް (އޭޑީބީ)ގެ ހިލޭ އެހީއާއި، އެބޭންކުގެ ލޯނާއި، އެލައިޑް އައިރިޝް ބޭންކް (އޭއައިބީ)ގެ ލޯނުގެ އިތުރުން ޖަޕާނު ހިލޭ އެހީގެ ދަށުންނެވެ. މި މަޝްރޫއަށް ސަރުކާރުން ވެސް ހަރަދުކުރަން ވަނީ ހަމަޖެހިފައެވެ. މަޝްރޫއު އިފްތިތާހު ކުރުމަށް މިއަދު ބޭއްވި ރަސްމިއްޔާތުގައި ޓެކްނޮލޮޖީ މިނިސްޓަރު އައިމިނަތު ޝައުނާ ހަރަދުގެ ތަފްސީލު ވިދާޅެއް ނުވެއެވެ. އެހެންކަމުން ސަރުކާރުން މިމަޝްރޫއަށް ހަރަދު ކުރަނީ ކިހާވަރެއްކަން ކަށަވަރެއް ނުވެއެވެ.

ރަސްމިއްޔާތުގައި ވާހަކަ ދައްކަވަމުން ޝައުނާ ވިދާޅުވީ މިއީ ރާއްޖޭގެ ތާރީހުގައި ކުނި މެނޭޖު ކުރުމަށް ހިންގޭ އެންމެ ބޮޑު މަޝްރޫއު ކަމަށެވެ. މިމަޝްރޫއުގެ ފުރަތަމަ ފިޔަވަހީގެ އިންފްރާސްޓްރަކްޗާ ތަރައްގީކުރުމުގެ މަސައްކަތް މިހާރު ނިންމައިލައިފައިވާ އިރު ތިލަފުށީ ގޮނޑުދޮށުގައި އޮތް ކުނިތައް އެއްފަރާތްކޮށް އެ ތަނުގައި ހާބަރު ހަދައި މުސްތަގުބަލުގައި ކުނި ގެނެސް މެނޭޖުކުރާނެ ވަކި ސަރަހައްދެއް މިހާރު ވަނީ ހަދައިފައެވެ.

Advertisement
Allied Insurance — Square (box)

ޒަމާންތަކެއް ވަންދެން ތިލަފުށީގައި ކުނި އަންދަމުން ދިޔަ ދިޔުމަށް ނިމުމެއް ގެނެސް ދެން ކުނިތައް ކިރުމަށް ފަހު ބައިކޮށް އެ ތަކެތި ޝްރެޑުކޮށް އިންސިނިރޭޓު ކުރަން ބޭރުކުރާނެކަމަށް މިނިސްޓަރު ޝައުނާ ވިދާޅުވިއެވެ. ޝައުނާ ވިދާޅުވީ މިއީ ކޮވިޑުގެ ތެރޭގައި ހިންގުނު ތަރައްގީގެ މުހިންމު މަޝްރޫއެއް ކަމަށެވެ. އަދި ކޮވިޑުގެ ތެރޭގައި ވެސް މިކަންކަން ހުއްޓުނަ ނުދީ ކުރިއަށް ގެންދިޔުމަށް ނިންމުންތައް ނިންމަވައިދެއްވިކަމަށް ޓަކައި މިނިސްޓަރު ޝައުނާ ރައީސް އިބްރާޙިމް މުހައްމަދު ޞާލިހަށް ޝުކުރު އަދާކުރެއްވިއެވެ.

"ފުރަތަމަ ފިޔަވަހީގެ މަސައްކަތްތަކުގެ ތެރޭގައި ކ، އއ، އދ އާއި ވ އަތޮޅުގެ ހުރިހާ ރަށެއްގައި ކުނިކޮށި ގާއިމްކޮށް މަރާމާތު ކުރެވޭނެ. ކުނި މެނޭޖުކުރުމަށް އުޅަނދާއި އިކުއިޕްމެންޓު ވެސް ކޮންމެ ރަށަކަށް ފޯރުކޮށްދެވޭނެ. މާލެއާއި ވިލިމާލެ އަދި ހުޅުމާލޭގައި ވޭސްޓް ޓްރާންސްފާ ސްޓޭޝަނެއް ގާއިމް ކުރެވޭނެ" މަޝްރޫއުގެ ތަފްސީލު ދެއްވަމުން ޝައުނާ ވިދާޅުވިއެވެ.

[caption id="attachment_130790" align="alignnone" width="1280"]<img class="wp-image-130790 size-full" src="https://cdn.dhen.mv/wp-content/uploads/2021/12/57-shauna-raees.jpg" alt="" width="1280" height="853" /> ކުނިން ހަކަތަ އުފެއްދުމުގެ މަޝްރޫއު އިފްތިތާހުކުރުމަށް ބޭއްވި ރަސްމިއްޔާތުގެ ތެރެއިން[/caption]

ޝައުނާ ވިދާޅުވީ މިސަރަހައްދުގައި ކުނި އުފުލުމަށް އުޅަނދު ގަތުމުގެ މަސައްކަތް ވެސް ކުރިއަށް ދާކަމަށާއި ކޮންޓްރެކްޓުގައި މިހާރު ސޮއިކޮށްފައިވާ ކަމަށެވެ. ކުނިން ހަކަތަ އުފެއްދުމުގެ ޕްލާންޓު ގާއިމް ކުރަނީ މަޝްރޫއުގެ ދެވަނަ ފިޔަވަހީގައެވެ.

"ވޭސްޓް އެނާޖީ ޕްލާންޓް ގާއިމްކުރުމަށް މިހާރު މިވަނީ ސްޕެއިންގެ މަޝްހޫރު ކުންފުންޏެއް ކަމުގައިވާ އުރުބާސާއާ އެކު ޑިޒައިން ބިލްޑް އެންޑް އޮޕަރޭޓް ކޮންޓްރެކްޓެއްގައި ސޮއިކުރެވިފަ." ޝައުނާ ވިދާޅުވިއެވެ.

އުރުބާސާއާ އެކު ސޮއިކުރީ 15 އަހަރުގެ މުއްދަތަކަށް ކުނި މެނޭޖުކުރުމަށެވެ. ޝައުނާ ވިދާޅުވީ ތިލަފުށީގައި ދުވާލަކު 500 ޓަނުގެ ކުނި ޕްރޮސެސްކޮށް ގާތްގަނޑަކަށް 8 މެގަވަޓްގެ ކަރަންޓު އުފެއްދޭނެކަމަށެވެ. މިމަސައްކަތުގެ ހިންގުމުގެ ހަރަދު ހަމަޖައްސަނީ އުފައްދާ ކަރަންޓާއި، ކުނީގެ އަޅި ރިސައިކަލްކޮށް ވިއްކައިގެންނެވެ.

"އަޅުގަނޑުމެންގެ އަމާޒަކީ ކުންޏަކީ އާމްދަނީ ލިބޭ އެއްޗަކަށް ހެދުން. އަޅުގަނޑުމެންނަށް މި ފަށައިގަނެވުނީ މި މިސްރާބަށް ދިވެހިރާއްޖެ ވާޞިލްވުމަށް ކުރަންޖެހޭ މަސައްކަތް" ޝައުނާ ވިދާޅުވިއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.