ހަށިގަނޑުން ހަކަތަ އުފައްދާވަރު އިތުރުކުރުމަށް ކުރެވިދާނެ 5 ކަމެއް!
މެޓަބޮލިޒަމް، ނުވަތަ މެޓަބޮލިކް ރޭޓަކީ އިންސާނާގެ ހަށިގަނޑަށް އެތެރެކުރާ ކާނާއާއި ދިޔާތަކެއި ހަކަތައަށް ބަދަލުކޮށްލާ ސްޕީޑެވެ. އެއީ ކެލޮރީސް އަންދާމިންވަރު ކަނޑައަޅާ އެފިޝަންސީ ކޯޓޭޝަނެވެ. މެޓަބޮލިޒަމް މަތިވުމަކީ ހަށިގަނޑުގެ ކެލޮރީ އަންދައިލުމުގެ ގާބިލްކަން އިތުރުކޮށްދޭ ކަމެކެވެ. އެހެންކަމުން އެ އިތުރު ކިލޯތައް ގެއްލުވައިލައި ދުޅަހެޔޮ ބަރުދަނެއްގައި ހިފެހެއްޓުމަށް މީހާއަށް ފަސޭހަވެގެން ދެއެވެ.
ހައި މެޓަބޮލިޒަމްގެ ސަބަބުން މީހާގެ ގައިގައި ބާރު ހިފަހައްޓައިދީ، ހިތް ފަސޭހަކޮށްދެއެވެ. މެޓަބޮލިކް ރޭޓް ބަރޯސާ ވަނީ ޖެނެޓިކްސް، އުމުރު، ޖިންސް، ހަށިގަނޑުގެ ފެޓް، ހަށިގަނޑުގެ މަސްތައް، އަދި ހަށިގަނޑުގެ ހަރަކާތްތައް ފަދަ ތަފާތު ކަންތައްތަކުގެ މައްޗަށެވެ. މެޓަބޮލިކް ރޭޓް ކޮންޓްރޯލް ކުރާ ފެކްޓާތައް ގިނަ އަދަދަކަށް ހުންނަ އިރު، މެޓަބޮލިޒަމްއަށް ނުފޫޒު ފޯރުވޭނެ ތަފާތު ގޮތްތައް ވެސް ހުރެއެވެ.
މި ކިޔައިދެނީ މެޓަބޯލިޒަމް އިތުރުކުރުމަށް ކުރެވޭނެ ފަސް ކަމެވެ.
ގިނައިން ކެއުން
މިއީ ނުބައި ނަސޭހަތެއް ކަމަށް ބައެއް މީހުންނަށް ހީވެދާނެއެވެ. ގިނައިން ކެއުން މިތާގައި މާނަ މިކުރަނީ ކެއުން އިތުރުކުރުމަށެވެ. މިކަމުގެ ސަބަބުން ކެއުމުގެ ނިޒާމަށް ކޮންމެ ވެސް ވަރެއްގެ ބަދަލެއް އައިސް އެއް ހަމައެއްގައި ދެމެހެއްޓޭނެއެވެ. އަދި އޭގެ ސަބަބުން މެޓަބޮލިކް ބެލެންސް އެއް ހިފެހެއްޓުމަށް އެހީތެރިވެދޭނެއެވެ. ހެވީ މީލްސް ކެއުމަކީ މަދު އަދަދުތަކެއްގައި ކެއި ނަމަވެސް ހަށިގަނޑުގެ ކެލޮރީސް އަންދާވަރު މަދުކޮށްދޭ، އަދި ހަށިގަނޑުގައި ފެޓް ގިނައިން ރައްކާކުރާނެ ކަމެކެވެ.
މަސަލްއާއި ސްޓުރެންތު ޓްރެއިނިން
ކަސްރަތު ކުރުމަކީ މެޓަބޮލިޒަމް ބާރުކުރުމަށް ވަރަށް އެކަށޭނެ ގޮތެކެވެ. ނަމަވެސް ކަސްރަތު ކުރުމުގެ އިތުރުން ހައި އިންޓެންސިޓީ އިންޓަވަލް ޓްރެއިނިންގ ވެސް ކުރަން ޖެހެއެވެ. މަސަލް ބަރުދަނުގައި މެޓަބޮލިކް ރޭޓް މަތިވުމުގެ ސަބަބުން އެއް ހަމައެއްގައި ހިފެހެއްޓުމަށް އިތުރު ހަކަތަ ބޭނުންވާނެއެވެ. އެހެންކަމުން ގަވާއިދުން މަސަލް ޓްރެއިން ކުރުމަކީ މެޓަބޮލިޒަމް ރޭޓު އިތުރުކޮށްދޭނެ ކަމެކެވެ.
ގިނައިން ފެން ބުއިން
ރަނގަޅަށް ހައިޑްރޭޓްވެފައި ހުރުމުން މީހާގެ މެޓަބޮލިޒަމް ހުންނާނީ އެންމެ އެކަށޭނަ ރޭޓެއްގައެވެ. ފެނަކީ ދުޅަހެޔޮ ދިރިއުޅުމަކަށް ކޮންމެހެން ބޭނުންވާ މާއްދާއެކެވެ. އަދި ގިނަ ދިރާސާތަކުން ދައްކާ ގޮތުގައި ފެން ބުއިމަކީ ސަރުބީ މަދުކުރުމަށް އެހީތެރިވެދޭނެ ކަމެކެވެ.
ހަށިގަނޑަށް ބޭނުންވާވަރަށް ނިދުން
މަދުން ނިދުމުގެ ސަބަބުން ހަށިގަނޑަށް ބަނޑުހައިކަމާއި ފުލްކަން އިހްސާސްކުރުމުގެ ޒިންމާ އަދާކުރާ ގްރެލިން އާއި ލެޕްތިން ފަދަ ހޯމޯންތަކުގައި އިމްބެލެންސެއް ދިމާވެއެވެ. މީގެ އިތުރުން އެކަށީގެންވާ ގޮތެއްގައި ނިދުމަކީ ސްޓްރެސް ލެވެލް ކޮންޓްރޯލު ކޮށްދޭ ކަމެކެވެ. ހަށިގަނޑަށް ބޭނުންވާ ވަރަށް ނިދި ނުލިބޭ ނަމަ މެޓަބޮލިކް ރޭޓް ދަށްވެއެވެ.
ގިނައިރު އިށީނދެގެން ނުއިނުން
ގޭގައި ތިބެގެން މަސައްކަތް ކުރުމަކީ ޒަރޫރީ ކަމަކަށް ވެ، ގޭގައި މަސައްކަތް ކުރުން އަންނަނީ ޓްރެންޑަކަށް ވެސް ވަމުންނެވެ. މީގެ ސަބަބުން އަޅުގަނޑުމެންގެ ހަށިގަނޑު މިވަނީ ކުރިއަށް ވުރެ ބޮޑަށް ސްޓެޓިކް ވެފައެވެ. ޑެސްކް ޖޮބެއްގައި އުޅޭނަމަ އެކިފަހަރުމަތިން ތެދުވެ ހިނގާބިނގާ އުޅެންވާނެއެވެ. މާގިނައިރު އިށީނދެ އިނުމަކީ މެޓަބޮލިކް ރޭޓަށް ވަރަށް ބޮޑަށް އަސަރު ކުރާކަމެކެވެ.
