Wednesday, 18 November 2026
Advertisement
HDC — Share-Below (leaderboard)
ޚަބަރު

ޖުމްހޫރީ ދުވަހުގެ ރަސްމީ ޖަލްސާގައި 113 ބޭފުޅަކަށް އިނާމު އަރުވަނީ

މިއަހަރުގެ ޖުމްހޫރީ ދުވަހުގެ ރަސްމީ ޖަލްސާގައި ދައުލަތަށް ހިދުމަތް ކުރުމުގެ އިނާމާއި މަތީ ދަރަޖަ ހޯދާ ފަރާތްތަކަށް ދޭ ހާއްސަ އިނާމު ޖުމްލަ 113 ބޭފުޅަކަށް އެރުވުމަށް ވަނީ ނިންމާފައެވެ.

ފޮޓޯ: ރައީސުލްޖުމްހޫރިއްޔާގެ އޮފީސް
ފޮޓޯ: ރައީސުލްޖުމްހޫރިއްޔާގެ އޮފީސް

މި އަހަރުގެ ޖުމްހޫރީ ދުވަހުގެ މުނާސަބަތުގައި ބާއްވާ ރަސްމީ ޖަލްސާގައި ދައުލަތަށް ޚިދުމަތް ކުރުމުގެ އިނާމާއި، މަތީ ދަރަޖަ ހޯދާ ފަރާތްތަކަށް ރައީސުލްޖުމްހޫރިއްޔާ ދެއްވާ ޚާއްސަ އިނާމު ޖުމްލަ 113 ބޭފުޅަކަށް އެރުވުމަށް ވަނީ ނިންމައިފިއެވެ.

މި ޖަލްސާ އޮންނާނީ މާދަމާރޭ 8:30ގައި ޒުވާނުންގެ މަރުކަޒުގެ އެތެރޭ ކޯޓުގައެވެ.

ދައުލަތަށް ޚިދުމަތް ކުރުމުގެ އިނާމު މިއަހަރު 56 ބޭފުޅަކަށް ލިބިވަޑައިގަންނަވާއިރު، މި އިނާމަކީ ދައުލަތަށް 35 އަހަރަށްވުރެ ދިގު މުއްދަތަކަށް ޚިދުމަތް ކުރައްވާފައިވާ ބޭފުޅުންނަށް ދޭ އިނާމެކެވެ. އިނާމުގެ ގޮތުގައި ރައީސުލްޖުމްހޫރިއްޔާ ދެއްވާނީ ޝަރަފުގެ ބެޖަކާއި، އައްޑަނައެއްގެ އިތުރުން ހަނދާނީ ލިޔުމެކެވެ. މީގެކުރިން މިއަހަރުގެ މިނިވަން ދުވަހުގެ ޖަލްސާގައި ވެސް 66 ބޭފުޅަކަށް މި އިނާމު ވަނީ އަރުވާފައެވެ.

މަތީ ދަރަޖަ ހޯދާ ފަރާތްތަކަށް ދޭ ޚާއްސަ އިނާމު މިއަހަރު 57 ބޭފުޅަކަށް އެރުވުމަށް ވަނީ ހަމަޖެހިފައެވެ. މީގެ ތެރޭގައި ހިމެނެނީ ދިވެހިރާއްޖޭގެ ޤައުމީ ސަނަދުތަކުގެ އޮނިގަނޑުގެ ލެވެލް 10ގެ ސަނަދު ހާސިލުކުރި 6 ބޭފުޅަކާއި، ލެވެލް 7، 8 ނުވަތަ 9ގެ ސަނަދެއް ހާސިލުކުރުމުގައި އެންމެ މަތީ ވަނަ ހޯދި 50 ބޭފުޅުންނެވެ. މީގެ އިތުރުން ބައިނަލްއަގްވާމީ މުބާރާތަކުން ނުވަތަ މައުރަޒަކުން އެންމެ މަތީ ވަނަ ހޯދި ފަރާތަކަށް ވެސް މި އިނާމު އަރުވާނެއެވެ.

ޚާއްސަ އިނާމާބެހޭ ކޮމިޓީން ހޮއްވެވި މި ބޭފުޅުންނަށް ރައީސުލްޖުމްހޫރިއްޔާ ދެއްވާ ޚާއްސަ އިނާމުގެ ގޮތުގައި ދެއްވާނީ މެޑެއްޔަކާއި ހަނދާނީ ލިޔުމެކެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.