އާންމު އުނދަގުލަކަށްވި ފައިރިޝް ޝަރީއަތް ނިމެންދެން ބަންދުކޮށްފި

މާލޭގައި އާންމު އުނދަގުލަކަށްވެގެން މީގެ މަހެއްހާ ދުވަސްކުރިން ހައްޔަރުކުރި ހއ. ހޯރަފުށި/ ނޫވިލް/ އަހުމަދު ފައިރިޝް ބަންދުގެ މުއްދަތު ޖަހައިފިއެވެ.
ފައިރިޝްއަކީ އާންމު އުނދަގުލަކަށް ވެގެން އެތައް ފަހަރަކު ހައްޔަރުކޮށްފައިވާ މީހެކެވެ. ނަމަވެސް ފައިރިޝްގެ މައްސަލައަށް ހައްލެއް ނުލިބި އޭނާގެ އުނދަގޫ ތަކުރާރުކޮށް ތަހައްމަލުކުރަން ޖެހޭ މީހަކު ވަނީ ބަނޑުހައިހޫނުކަމުގެ ހަޅުތާލެއްވެސްކޮށްފައެވެ. ނަމަވެސް ފަހުން ސަރުކާރުން ދިން ޔަގީންކަމާ އެކު އޭނާ އެ ހަޅުތާލު ހުއްޓާލިއެވެ.
ފައިރިޝް މިފަހަރު ހައްޔަރުކުރިފަހުން ހިންމަފުށީގައި ހުންނަ ރީހެބަށް ވެސް ގެންދިޔައެވެ. ނަމަވެސް އެ ތަނުން ފިލުމުން ފަހުން ވަނީ އަލުން ބަންދުކޮށްފައެވެ.
ކްރިމިނަލް ކޯޓުން މ ނެރުނު ބަންދު އަމުރުގައިވާ ގޮތުން ފައިރިޝް މިހާރު ވަނީ ޝަރީއަތް ނިމެންދެން ބަންދުކޮށްފައެވެ.
އޭނާގެ މައްޗަށް ކުރަނީ ބިރު ދެއްކުމާއި މުދަލަށް ގެއްލުން ދިނުމާއި މާރާމާރީ ހިންގުން އަދި ފުލުހުންގެ ދައުރަށް ހުރަސް އެޅުމުގެ ތުހުމަތެވެ.
ނަމަވެސް ފައިރިޝްވަނީ އެ ތުހުމަތުތަކަށް އިންކާރުކޮށްފައެވެ.
ނަމަވެސް ފުލުހުން ބުނީ އޭނާގެ މައްޗަށް އެކަށީގެންވާވަރަށް ހެކި އެބަހުރި ކަމަށެވެ.





ކޮމެންޓް
މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.