ކޮވިޑަށް ފައްސި އަދަދު އިންޑިއާގައި ދުވާލަކު 100އިން މައްޗަށް
އިންޑިޔާގައި ދުވާލެއްގެ މައްޗަށް ކޮވިޑް-19އަށް ފައްސިވާ މީހުންގެ އަދަދު 1000އަށް ވުރެ މައްޗަށް އަރައިފިއެވެ.
ދިއްލީއިން ބުރާސްފަތި ދުވަހު 1313 މީހުން ވަނީ ކޮވިޑަށް ފައްސިވެފައެވެ. މިއީ ފާއިތުވެދިޔަ 7 މަސް ދުވަހުގެ ތެރޭގައި އެއް ދުވަހުން އެންމެ ގިނަ އަދަދަކަށް މީހުން ކޮވިޑަށް ފައްސިވި ދުވަހެވެ. އެ ސަރަޙައްދުން ކޮވިޑަށް ފައްސިވި ރޭޓް 1.73 ޕަސެންޓަށް ވަނީ އަރައިފައެވެ. އަދި އެއްވެސް ޓްރެވަލް ހިސްޓްރީއެއް ނެތް ބައެއްގެ ކިބައިން އޮމިކްރޮން ވޭދަނަތައް ފެނިފައިވާ އިރު، އެ ވޭރިއެންޓަށް ސަމާލުވުމަށް އެ ގައުމުގެ ސަރުކާރުން ވަނީ އަންގައިފައެވެ.
ކޮވިޑް ވޭދަނަތައް ކޮންޓޯލް ކުރުމުގެ ގޮތުން އޯލް އިންޑިޔާ އިންސްޓިޓިއުޓް އޮފް މެޑިކަލް ސައިންސް (އޭ.އައި.އައި.އެމް.އެސް)އިން ވަނީ ކްލިނިކްތަކަށް ޒިޔާރަތްކުރާ މީހުންނާއި އެޑްމިޓްކުރާ މީހުން ވެސް މަދުކޮށްފައެވެ. ނަމަވެސް މިހާރު ހައްދައިފައިވާ އެޕޮއިންޓްމަންޓްތަކަށް ޑޮކްޓަރަށް ދެއްކޭނެކަމަށް އިންޑިޔާގެ ކަމާ ބެހޭ ފަރާތްތަކުން ބުނެއެވެ.
ގްރޭޑް ރެސްޕޮންސް އެކްޝަން ޕްލޭންގެ ދަށުން އަޅައިފައިވާ ގިނަ ފިޔަވަޅުތަކަށް މިހާރު އެ ގައުމުގައި އަމަލުކުރަން ފަށައިފައިވާ އިރު މެޓްރޯ ސްޓޭޝަންތަކުގައި، ހާއްސަކޮށް ބިޒްނަސް ސެންޓަރުތަކާއި މީހުން ދިރިއުޅޭ ސަރަހައްދުތަކުގެ ކައިރީގައި ދަތުރުކުރުމަށް ހަދާ ދިގު ކިއުތަކަށް އެ ގައުމުގެ ސަރުކާރުން ވަނީ އައު ޓްރެވަލް އެޑްވައިޒަރީއެއް ވެސް އިއުލާން ކޮށްފައެވެ.
