ސަލަފުގެ ރައްދު ނަޝީދަށް: މަޖިލީހުގެ ރައީސް ވެސް ކުށެއް ކުރެއްވީމަ ވާނީ ކުށަކަށް
ކުރީގެ ރައީސް އަދި ރައްޔިތުންގެ މަޖިލީހުގެ ރައީސް މުހައްމަދު ނަޝީދު ވެސް ކުށެއް ކޮށްފި ނަމަ އެކަން ވެސް ވާނީ ކުށަކަށް ކަމަށް ސަލަފް ޖަމިއްޔާގެ ރައީސް ޝައިޚު އަބްދުﷲ މުހައްމަދު އިބްރާހީމް ވިދާޅުވެއްޖެއެވެ.
ޝައިޚު މިފަދައިން ވިދާޅުވީ ޣައިރު ދީންތަކުގެ ޝިއާރުތައް ރައީސް ނަޝީދު ފަތުރާ ކަމަށް ބުނެ "ރައްޔިތުންގެ އިއްތިހާދު"ން ފުލުހަށް މައްސަލައެއް ހުށަހަޅާފައިވާތީ ރައީސް ނަޝީދު މިއަދު މަޖިލިސް އިދާރާ މެދުވެރިކޮށް ބަޔާނެއް ނެރުއްވުމާ ގުޅިގެންނެވެ.
މިކަމާ ގުޅިގެން ޝައިޚް އަބްދުﷲ ވިދާޅުވީ މަޖިލީހުގެ ރައީސަކަށް ހުންނަ މީހަކީ ޤާނޫނީ ކުށެއް ކުރިޔަސް ކުށްވެރި ކުރެވޭނެ މީހެއްނޫން ކަމަށް ރާއްޖޭގެ ޤާނޫނު އަސާސީގައި ލިޔެފައި އަދި ނެތް ކަމަށެވެ. އަދި ޤާނޫނު ތަންފީޒުކުރާ ފަރާތްތަކަށް ލާޒިމް ވެގެންވަނީ ޤާނޫނު އަސާސީގެ 20 ވަނަ މާއްދާގައިވާ ފަދައިން ވަކިފަރުދެއް ތަފާތު ކުރުމެއް ނެތި ގާނޫނު ތަންފީޒު ކުރަން ކަމަށް ވެސް ޝައިޚް ވިދާޅުވިއެވެ.
ރައްޔިތުންގެ އިއްތިހާދުގެ ފަރާތުން ފުލުހަށް ހުށަހެޅި ސިޓީއެއްގައި ބުނެފައި ވަނީ 2020ވަނަ އަހަރު ރައީސް ނަޝީދު ކްރިސްމަސްގެ ތަހުނިޔާ ފާޅުގައި ދިވެހިންނަށް ފޮނުވައިފައިވާ ކަމަށާއި އަދި މިދިޔަ އަހަރު ވެސް އަނެއްކާ ކްރިސްމަސްގެ ތަހުނިޔާ ކިޔުން ތަކުރާރުކޮށް ފޮޓޯ އާންމު ކޮށްފައިވާ ކަމަށެވެ.
މުރުތައްދ ކައްޒާބެއް
ހަލާކުކުރައްވާށި
އެކަހަލަ އިބިލިސް އުޅޭތީ މީހުން ހަލަކުވަނީ މީހުންގެ ބޮލައް އެރިގެން މީހުން ހަލާކު ކުރަނީ .މިނޫނަސް ދުނިޔެއަކައް ދާން ޖެހޭ .
ނަޝީދު ކުރާ ކުށުގެ މައްސަލަ އެއް ހުށަހެޅިފަ އޮތް ޙާލަތެއްގައި އެކަން ދިފާޢުކުރުމަށް މަޖިލިސް އިދާރާ މެދުވެރިކޮށް ބަޔާން ނެރުމުގެ ހައްގު ނަޝީދަކަށް ނޯންނާނެ. ނަޝީދު ވެސް ހަމަޔާ އިންސާފު ދަންނަންވާނެ. މީ ނަޝީދު ގެ އެކަނި ގައުމެއް ނޫން.
ނަޝީދު ވީމަ ސިފައިން ހުރިހާ ކަަަމަކުން ހަޕް ކިޔަނީތަ؟