ސީޝާގެ ލ.ގަމުގެ އައުޓްލެޓަށް މުވައްޒަފުން ހޯދަން އިޢުލާންކޮށްފި
ހޮންޑާ ބްރޭންޑްގެ ރާއްޖޭގެ އޮތޮރައިޒް ކުންފުނި ޝީޝާގެ ލ.ގަމުގައި ހުންނަ އައުޓްލެޓަށް މުވައްޒިފުން ހޯދަން އިއުލާންކޮށްފިއެވެ.
ޝީޝާގެ ގަމު ފިހާރައަށް އެ ކުންފުނިން މުވައްޒަފުން ހޯދަމުން ދަނީ ސޭލްސް ރިޕްރެޒެންޓޭޓިވް، އަދި ސޭލްސް އެކްޒެކެޓިވްގެ މަޤާމަށެވެ.
ސޭލްސް އެގްޒެކެޓިވްއަށް ކުރިމަތިލާން ބޭނުންވާ ފަރާތްތަކުގެ ޝަރުތުތަކުގެ ތެރޭގައި، ބިޒްނަސް މެނޭޖްމެންޓް ދާއިރާއިން ބެޗްލާސް ޑިގްރީއެއް ނުވަތަ ޑިޕްލޮމާއެއް ނުވަތަ މަސައްކަތާ ގުޅޭ ދާއިރާއިން އެއް އަހަރު ދުވަހުގެ ތަޖްރިބާ ލިބިފައިވުން ހިމެނެއެވެ. އަދި ސޭލްސް ރިޕްރެޒެންޓޭޓިވްއަކަށް ކުރިމަތިލާން ބޭނުންވާ ފަރާތްތަކުގެ ޝަރުތުތަކަކީ، އޭ ލެވެލް ދެ މާއްދާއިން އޭ ގްރޭޑް ނުވަތަ އޯ ލެވެލް ހަތަރު މާއްދާއިން ފާސްވުން ނުވަތަ މަސައްކަތާ ގުޅޭ ދާއިރާއިން އެއް އަހަރު ދުވަހުގެ ތަޖްރިބާ ލިބިފައިވުމެވެ.
އިއުލާން ކޮށްފައިވާ ވަޒީފާތަކަށް މުސާރަ ކަނޑައަޅާނީ ލިބިފައިވާ ތައުލީމީ ސަރޓިފިކެޓް އަދި ލިބިފައިވާ މަސައްކަތުގެ ތަޖުރިބާއަށް ބެލުމަށް ފަހުގައެވެ.
މި ދެ މަޤާމަށް ކުރިމަތި ލާން ބޭނުންފުޅުވާ ފަރާތްތަކުން މި މަހުގެ 25 ވަނަ ދުވަހުގެ ކުރިން، ވަޒީފާގެ އެޕްލިކޭޝަން ފޯމް ފުރުއްވުމަށް ފަހުއެ ކުންފުނީގެ މެއިލް ފޮނުވުމަށް އެ ކުންފުނިން އެދިލައްވައެވެ.
