Monday, 16 November 2026
Advertisement
MWSC — SmartMeter (leaderboard)
ސަރުކާރު

ސަލްމާން މިސްކިތް ރޯދަމަހަށް ހުޅުވޭތޯ ބަލަނީ

ސަލްމާން މިސްކިތް ރޯދަމަހަށް ހުޅުވޭތޯ ބަލަނީ

ކިންގް ސަަލްމާން މިސްކިތް މި އަހަރުގެ ރޯދަ މަހު ހުޅުވުމަށް މަސައްކަތް ކުރަމުންދާ ކަމަށް އިސްލާމިކް މިނިސްޓްރީއިން ބުނެފިއެވެ.

"ދެން"އަށް މައުލޫމާތު ދެއްވަމުން އިސްލާމިކް މިނިސްޓްރީގެ އޮފިޝަލަކު ވިދާޅުވީ ސަލްމާން މިސްކިތް މިއަހަރުގެ ރޯދައަށް ހުޅުވޭތޯ ތައްޔާރީތައް ވަމުން އަންނަ ކަމަށެވެ. އެހެން ނަމަވެސް މިސްކިތް ހުޅުވާނެ ވަކި ތާރީހެއް ކަނޑައަޅައިފައި ނުވާ ކަމަށް ވެސް އޭނާ ވިދާޅުވިއެވެ.

ސަލްމާން މިސްކިތް ހުޅުވުމަށް ބޭނުންވާ ކަންކަން ނިންމުމަށް ވަރަށް އަވަހަށް ފައިސާ ދޫކުރާނެ ކަމަށް ފިނޭންސް މިނިސްޓްރީން ދާދި ފަހުން ވަނީ ބުނެފައެވެ.

Advertisement
Ooredoo — Square (box)

ތުރުކީގެ ޓާމެކްސް ކުންފުންޏާއި ހަވާލުކޮށްގެން، 370 މިލިއަން ރުފިޔާއަށް އިމާރާތް ކުރި ސަލްމާން މިސްކިތް ނުހުޅުވި އެތައް ދުވަހެއް ފާއިތުވަމުން އަންނައިރު، މިކަމާ ގުޅިގެން ސަރުކާރަށް ގިނަ ބައެއްގެ ފާޑުކިޔުންތައް ވަނީ އަމާޒުވެފައެވެ.

މިކަމާ ގުޅިގެން އިސްލާމިކް މިނިސްޓަރު ޑރ.އަހުމަދު ޒާހިރު ވަނީ ރައީސް އިބްރާހީމް މުހައްމަދު ސާލިހަށް ސިޓީއެއް ވެސް ފޮނުއްވައިފައެވެ.

އެ ސިޓީގައި މިނިސްޓަރު ވިދާޅުވީ ސަލްމާން މިސްކިތަށް ބޭނުންވާ ފަރުނީޗަރާއި ވަސީލަތްތައް ނުލިބޭތީ އެތަން ފޮޅައި ސާފުކޮށް ބެލެހެއްޓުމުގައި ގިނަ ދަތިތައް ކުރިމަތިވަމުންދާ ކަމަށެވެ.

އަދި އެކަމަށް ބޭނުންވާ ތަކެތި ގަތުމަށް ދެ މިލިއަން ޑޮލަރު ސައުދީ ސަރުކާރުން ދޭނެ ކަމަށް ފޮރިން މިނިސްޓްރީން އަންގައިފައިވާއިރު، އެ ފައިސާ ހަމަޖައްސައިދިނުމަށް ވެސް އެދިވަޑައިގެންނެވިއެވެ.

ކިންގް ސަލްމާން މިސްކިތަކީ ސައުދީ އަރައްބިއްޔާގެ ފަރާތުން ހިލޭ އެހީގެ ދަށުން އިމާރާތްކޮށްފައިވާ ހަ ފަންގިފިލާގެ އިމާރާތެކެވެ. މި މިސްކިތް ފަރުމާކުރެވިފައި ވަނީ އެއްފަހަރާ 6000 މީހުންނަށް ނަމާދަށް އެރޭ ގޮތަށެވެ.

މި ބިނާގައި ކުތުބުހާނާއަކާއި، ގުރްއާނާއި ބެހޭ މަރުކަޒަކާއި، މަލްޓި-ޕާރޕަސް ހޯލަކާއި، ކްލާސްރޫމްތަކާއި، ޖަލްސާކުރާ މާލަންތައް ހިމެނެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.