ޝުޖާޢު ސަރުކާރަށް: ރައްޔިތުން ތިބީ ވޯޓުފޮށީގެ އިންތިޒާރުގައި ބޮނޑިއެއް ދޭން ތައްޔާރަށް
ރައްޔިތުން މިހާރު ތިބީ ވޯޓުފޮށީގެ އިންތިޒާރުގައި “ބޮނޑިއެއް”ދޭން ތައްޔާރަށް ކަމަށް ޕީއެންސީގެ ނައިބު ރައީސް އިބްރާހީމް ޝުޖާއު ވިދާޅުވެއްޖެއެވެެ.
ޝުޖާއު މިފަދައިން ވިދާޅުވީ ރައްޔިތުންގެ މަޖިލީހުގެ 2022ވަނަ އަހަރުގެ ފުރަތަމަ ދައުރުގެ ފުރަތަމަ ޖަލްސާގައި ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު ރިޔާސީ ބަޔާން އިއްވަވައިފައިވާ ދަނޑިވަޅެއްގައެވެ.
ޝުޖާއު ވިދާޅުވީ ވެރިކަމަށް ތިން އަހަރު ވީއިރު ބޮޑު ނުކުރެވުނު އިނާޔަތްތަކާއި މުސާރަތައް ކުއްލިއަކަށް ބޮޑުކުރަން އުޅެނީ 2023 އިންތިޚާބަށްކަން ދިވެހި ރައްޔިތުންނަށް އެނގިލައްވާ ކަމަށެވެ. އަދި “ދިވެހި ރައްޔިތުން ތިއްބެވީ ވޯޓު ފޮށީގެ އިންތިޒާރުގައި ބޮނޑިއެއް ދޭން ތައްޔާރަށް” ކަމަށް ޝުޖާއު ވިދާޅުވިއެވެ.
މީގެ އިތުރުން ޝުޖާއު ވިދާޅުވީ މި ސަރުކާރުން އިސްލާމްދީން ކުރިއަރުވަން ކުރި އެއްކަމެއް ވެސް ނެތް ކަމަށާއި ސަރުކާރަށް ކުރެވުނު ކަމަކީ މިސްކިތައް ކުޑަކަމު ދިޔަ މީހާއާއި، اللهގެ ކަލާމްފުޅަށް ކުޅުޖެހި މީހާ ހައްޔަރުކުރުމަށް ފަހު އެމީހުންނަކީ މޮޔައިން ކަމަށް ހަދައި ދޫކޮށްލުން ކަމަށެވެ. އަދި ދީނަށް ފުރައްސާރަ ކުރިފަރާތްތައް މި ސަރުކާރުން ކުރީ ހިމާޔަތް ކަމަށް ޝުޖާއު ވިދާޅުވިއެވެ.
ޝުޖާއު މިފަދައިން ވިދާޅުވެފައިވާ އިރު ރިޔާސީ ބަޔާން އިއްވާ ޖަލްސާ އިދިކޮޅު ޕްރޮގްރެސިވް ކޯލިޝަނުން ވަނީ ބޯއިކޮޓް ކޮށްފައެވެ.
އިދިކޮޅުން ވިދާޅުވީ ސަރުކާރުގެ ނުފޫޒާއި ބާރުގެ ބޭނުންކޮށްގެން ޖުޑިޝަރީއަށް އަތްބާނާ ޕީޕީއެމްގެ ރައީސް، ރައީސް ޢަބްދުﷲ ޔާމީން ޢަބްދުލްޤައްޔޫމްގެ ޝަރީއަތް ސަރުކާރުން ބޭނުންވާ ގޮތަކަށް ގެންދިއުމަށް ވަރަށް ބޮޑަށް މަސައްކަތް ކުރަމުންދާ ކަމަށެވެ.
ސަގާފީ މިސްކިތަކާ އިތުރު މިސްކިތެއް ނިޒާމުން ގައްލުވާލީ ކޮން ބައެއްތޯ