Monday, 16 November 2026
Advertisement
Ooredoo — Airfibre (leaderboard)
ޚަބަރު

ރިޔާސީ ބަޔާން ބައްޓަންކޮށްފައި ވަނީ ރިޔާސީ އިންތިޚާބާއި ބައިއިލެކްޝަނަށް:ޢަބްދުއްރަޙީމް

ރިޔާސީ ބަޔާން ބައްޓަންކޮށްފައި ވަނީ ރިޔާސީ އިންތިޚާބާއި ބައިއިލެކްޝަނަށް:ޢަބްދުއްރަޙީމް

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް މިއަދު އިއްވެވި ރިޔާސީ ބަޔާނަކީ ޚިޔާލީ ހުވަފެނެއް ކަމަށާއި މުޅި ބަޔާން ބައްޓަންކޮށްފައި ވަނީ ރައީސް ޞާލިޙްގެ ރިޔާސީ އިންތިޚާބާއި ކޮމަންޑޫ ދާއިރާގެ ބައިއިލެކްޝަނަށް ކަމަށް ޕީޕަލްސް ނެޝަނަލް ޕާޓީ (ޕީއެންސީ)ގެ ރައީސް ޢަބްދުއްރަޙީމް ޢަބްދުﷲ ވިދާޅުވެއްޖެއެވެ.

ޢަބްދުއްރަޙީމް މިހެން ވިދާޅުވީ މިއަދު ކުރެއްވި ޓްވީޓެއްގައެވެ. އޭނާގެ ޓްވީޓްގައި އިތުރަށް ވިދާޅުވީ ރައީސް ޞާލިޙްގެ ރިޔާސީ ބަޔާނުގައި ގައުމުގެ އަސްލު ޙާލަތު ވަނީ ރައްޔިތުންނަށް އޮޅުވައިލައިފައި ކަމަށާއި މިއަދު ފެންނަނީ ރައީސް ޞާލިޙަށް ވާނުވާ ނޭނގި ގޮތް ހުސްވެ ހާސްވެފައިވާ މިންވަރު ކަމަށެވެ.

https://twitter.com/banafsaa/status/1489175206564593666?s=21

Advertisement
Ooredoo — Square (box)

ރައީސް ޞާލިޙްގެ ރިޔާސީ ބަޔާނަށް ސަރުކާރު ހިންގާ ކޯލިޝަންގައި ހިމެނޭ ޕާޓީތަކުން ތަޢުރީފް ކުރައްވަމުންދާއިރު އިދިކޮޅުން ވަނީ އެ ބަޔާނަށް ވަރަށް ބޮޑަށް ފާޑުވިދާޅުވެފައެވެ. އެ ގޮތުން މިއަދުގެ ރިޔާސީ ބަޔާނަކީ މިހައިތަނަށް ރައީސުލްޖުމްހޫރިއްޔާއަކު ދިން އެންމެ ފުރިހަމަ ބަޔާންކަމަށް ޖުމްހޫރީ ޕާޓީގެ ޤާސިމް ވިދާޅުވިއިރު އެމްއާރުއެމްގެ ޒަައީމް ރައީސް މައުމޫން ޢަބްދުލްޤައްޔޫމް ވިދާޅުވީ ރިޔާސީ ބަޔާން ވަރަށް ފުރިހަމަ ކަމަށާއި އެ ޕާޓީ އޮތީ ސަރުކާރާ އެކުގައި ކަމަށެވެ.

ރިޔާސީ ބަޔާނަށް ފާޑު ވިދާޅުވި ޕީޕީއެމްގެ ނައިބު ރައީސް އަޙުމަދު ޝިޔާމް ވިދާޅުވީ މިއަދުގެ ރިޔާސީ ބަޔާނުގައި އޮތީ ހައްތަހާ ވެސް ސިޔާސީ ގޮތުން ކުރަން ބޭނުންވާ ކަންތައްތައް ކަމަށާއި ވޯޓު ހޯދުން ނޫނީ އިންތިހާބެއް ކާމިޔާބު ކުރުމަށް ޓަކައި ވާ ވައުދުތަކެއް އަނެއްކާ ވެސް ރައީސް ޞާލިޙް ވެވަޑައިގަތީ ކަމަށެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.