އިހަވަންދޫ ގެއެއްގެ މަސްފެންގަނޑަކަށް ގެއްލުން ދިން މައްސަލަ ބެލުމަށްގޮވައިލައްވައިފި
ހއ.އިހަވަންދޫގެ ގެއެއްގައި ހުރި މަސް ފެންގަނޑަކަށް ގެއްލުންދީ، މަސްތަކެއް މަރައިލި މައްސަލަ ތަހުގީގު ކުރުމަށް އިހަވަންދޫ ދާއިރާގެ މެމްބަރު މުހައްމަދު ޝިފާއު ގޮވައިލައްވައިފިއެވެ.
މަސްފެންގަނޑުގެ ވެރިފަރާތާ ހަވާލާދީ ނޫހަކުން ރިޕޯޓް ކޮށްފައިވާ ގޮތުގައި، އެ ޕޮންޑްގައި އޭނާ ގެންގުޅޭ 67 މަަސް މަރައިލީ ރޭ ދަންވަރުގެ ވަގުތެއްގައެވެ.
މަސްތައް މަރުވީ އެ އަށް ގުޅާފައި ހުރި ޕަމްޕާއި ވޭވް މޭކާގެ ނަރުތައް ބުރިކޮށްލާފައި ހުރުމުން މަސްތަކަށް އޮކްސިޖަން ނުލިބިގެން ކަމަށްވެސް އެމީހާ ބުންޏެވެ.
އެމްޕީ ޝިފާއު ވިދާޅުވީ، މިއީ އެއްގޮތަކަށް ވެސް ބަލައިގަނެވޭނެ ކަމެއް ނޫން ކަަމަށާއި، ކޮންމެ ގެއެއްގައި ޕޮންޑެއް ހަދައި، މަސް ގެންގުޅުމަކީ އިހަވަންދޫ ރައްޔިތުން ހިތްހަމަޖެހުން ހޯދުމަށް ކުރަމުން އަންނަ، އާންމު ކަމެއް ކަމަށެވެ.
ރަށުގެ މަސްލަހަތަށް ޓަކައި، މިކަން ކުރި ބަޔަކު ހޯދުމަށް ވެސް އޭނާ ގޮވައިލެއްވިއެވެ.
ޝިފާއުގެ ޓްވީޓުގައި ފުލުހުންނާއި، ޕޮލިސް ކޮމިޝަނަރު މުހައްމަދު ހަމީދު ވެސް ޓެގް ކުރައްވައިފައިވެއެވެ.
Ads by STO
