Sunday, 22 November 2026
Advertisement
Allied Insurance (leaderboard)
މުނިފޫހިފިލުވުން

12 ކިލޯގެ މަސްތުވާތަކެތީގެ މައްސަލައިގައި ހައްޔަރުކުރި މީހުންގެ ތެރޭގައި ކުރީގެ ފިލްމީތަރި ސޮބާހު

12 ކިލޯގެ މަސްތުވާތަކެތީގެ މައްސަލައިގައި ހައްޔަރުކުރި މީހުންގެ ތެރޭގައި ކުރީގެ ފިލްމީތަރި ސޮބާހު

މަސްތުވާތަކެއްޗާ ދެކޮޅަށް ފުލުހުން ކަނޑުމަތީގައި ހިންގި އޮޕަރޭޝަނެއްގައި 12 ކިލޯގެ މަސްތުވާތަކެއްޗާ އެކު ހައްޔަރުކުރި މީހުންގެ ތެރޭގައި ކުރީގެ ފިލްމީތަރި އަދި ލަވިޔުންތެރިޔާ ޙުސައިން ޞަބާހު ވެސް ހިމެނޭ ކަމަށް މައުލޫމާތު ލިބިއްޖެއެވެ.

މި މައްސަލައިގައި ސޮބާހު ވެސް މިހާރު ހައްޔަރުު ކޮށްފައިވާކަން "ދެން"އަށް ވަނީ މައުލޫމާތު ލިބިފައެވެ. ނަމަވެސް ފުލުހުން މިކަން ކަށަވަރެއް ނުކޮށްދެއްވައެވެ.

ފުލުހުން މީގެ ކުރިން ވިދާޅުވީ، މި މައްސަލައިގައި ހައްޔަރު ކޮށްފައިވަނީ އިންޑިއާ މީހެއް ކަމަށެވެ.

Advertisement
Allied Insurance — Square (box)

ނަމަވެސް އެ މަސްތުވާތަކެތި މާލެ ގެނައުމުގައި ސޮބާހުގެ ލޯންޗު ބޭނުންކުރި ކަމަށާއި އެހެންކަމުން އެ ލޯންޗު ވެސް މިހާރު ވަނީ ފުލުހުންގެ ބެލުމުގެ ދަށަށް ގެންގޮސްފައި ކަމަށް މައުލޫމާތު ލިބެއެވެ. މި މައްސަލައިގައި އެ އިންޑިއާ މީހާއާއި ޞަބާހުގެ އިތުރުން އިތުރު އެހެން މީހަކު ވެސް ހައްޔަރު ކޮށްފައިވާކަން ވަނީ މައުލޫމާތު ލިބިފައެވެ.

މިކަމާ ގުޅޭގޮތުން "ދެން"އިން މިއަދު ސުވާލު ކުރުމުން ފުލުހުންގެ މީޑިއާ އޮފިޝަލަކު ވިދާޅުވީ، އިންޑިއާ މީހާގެ އިތުރުން ދިވެހި ފިރިހެނަކާއި ބަނގްލަދޭޝްއަށް ނިސްބަތްވާ ފިރިހެނަކު ވެސް މިހާރު ހައްޔަރު ކޮށްފައިވާ ކަމަށެވެ.

މި މައްސަލައިގައި ހައްޔަރު ކުރި ދިވެހި މީހާގެ ބަންދަށް 10 ދުވަސް އަދި އިންޑިއާ މީހާއާއި ބަނގްލަދޭޝް މީހާގެ ބަންދަށް 15 ދުވަސް ކޯޓުން މިހާރު ދީފައިވާކަމަށް ވެސް ފުލުހުން ވިދާޅުވިއެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.