ލައިސަންސް ނަގަން ޑްރައިވިން ސްކޫލަށް ދާން މިހާރު މަޖުބޫރެއް ނޫން

ޑްރައިވިން ސްކޫލުގައި ވަކި ގަޑިއެއް ހަމަކުރުމުން ލައިސަންސް ދޫކުރާގޮތަށް އޮތް އުސޫލު އުވައިލައިފިއެވެ.

Ads by Hajj Corporation

ޓްރާންސްޕޯޓް އޮތޯރިޓީން ދޭ ޑްރައިވިން ޓެސްޓުން ފާސްވެގެން އެއްގަމު އުޅަނދު ދުއްވުމުގެ ލައިސެންސް ލިބޭ ގޮތަށް އޮތް އޮތުން ބަދަލުކޮށް ޑްރައިވިން ސްކޫލް ހިންގުމާއި އިންސްޓްރަކްޓަރުންގެ ގޮތުގައި ހަރަކާތްތެރިވުމުގެ ގަވާއިދަށް ބަދަލު ގެނައީ ހުސްވި ޖަނަވަރީ މަހުގެ ތެރޭގައެވެ.

އެ ބަދަލުގައި ވަނީ، ލައިސަންސް ދޫކުރަން ޓެސްޓު ހެދޭނީ ޑްރައިވިންގ ސްކޫލް މެދުވެރިކޮށް ވަކި ވަގުތެއް ހަމަވަންދެން ޓްރެއިން ވެގެންކަމަށެވެ.

އެ އުސޫލަށް ބަދަލު ގެނެސް، މިހާރު ގެޒެޓްކޮށްފައިވާ ޤަވާއިދުގައި ވަނީ މިބައި އުނިކޮށްފައެވެ. އަދި ގެޒެޓް ކުރުމަށް ފަހު މި އުސޫލަށް މިހާރު ވަނީ ޢަަމަލު ކުރަން ފަށައިފައެވެ.

މީގެ އިތުރުން ޓްރާންސްޕޯޓް މިނިސްޓްރީން ނުވަތަ މިނިސްޓްރީން ކަނޑައަޅާ ފަރާތަކުން ޑްރައިވިން އިންސްޓްރަކްޓަރުންނަށް އަމާޒުކޮށްގެން ހިންގާ ތަމްރީނު ޕްރޮގްރާމެއް، ކޮންމެ ޑްރައިވިން އިންސްޓްރަކްޓަރަކު ފުރިހަމަކުރަންވާނެ ކަމަށް އޮތް މާއްދާއަށް އަމަލު ކުރުން ވެސް ވަނީ ފަސްކޮށްފައެވެ. މި ގަވާއިދަށް އަމަލުކުރާނީ 2 މަސް ދުވަހަށް ފަހު ކަމަށް އުސޫލުގައި ވަނީ ބުނެފައެވެ.