130 ކިލޯގެ ޑްރަގް މައްސަލަ: ދެ މީހުން ދޫކޮށްލި މައްސަލަ ހައިކޯޓުން މާދަމާ ބަލަން ފަށަނީ
ކަނޑުމަގުން ރާއްޖެއަށް 130ކިލޯގެ މަސްތުވާތަކެތި އެތެރެކުރި މައްސަލައިގައި ދައުލަތުން ދައުވާ އުފުލައިފައިވާ ދެ މީހަކު ދޫކޮށްލި މައްސަލަ ހައިކޯޓުގައި މާދަމާ ފަށަން ތާވަލުކޮށްފިއެވެ.
ކްރިމިނަލް ކޯޓުން މި މީހުން ބަންދުން ދޫކޮށްލައިފައި ވަނީ މި މަހުގެ ހަވަނަ ދުވަހުއެވެ. އެގޮތުން ކްރިމިނަލް ކޯޓުން ދޫކޮށްލައިފައި ވަނީ މި މައްސަލައިގައި އެންމެ އިސްކޮށް އުޅުނު މީހާ ކަމަށް ދައުލަތުން ތުހުމަތު ކޮށްފައިވާ ޕީއެންސީގެ ކުރީގެ ކައުންސިލް މެމްބަރ ގއ. ވިލިނގިލީ ލައިޓްހައުސް، ޝަހީބް އިބްރާހިމްގެ އިތުރުން ހއ. ހޯރަފުށީ ވައިލެޓްވިލާ، އަހްމަދު މޫސާއެވެ.
މި ދެ މީހުން ދޫކޮށްލަން ދަށު ކޯޓުން ހުކުމް ކުރުމުން ދައުލަތުގެ ފަރާތުން ވަނީ އެ މައްސަލަ އިސްތިއުނާފު ކޮށްފައެވެ. އިސްތިއުނާފު މައްސަލަ ފެށުމަށް ހަމަޖެހިފައި ވަނީ މާދަމާ މެންދުރު 12:00 ގައެވެ.
އެނގިފައިވާ ގޮތުގައި، ޝަރީއަތް ނިމެންދެން ކުރިން ބަންދު ކޮށްފައި ތިބި މި ދެ މީހުން ދޫކޮށްލަން ކްރިމިނަލް ކޯޓުން އަމުރުކޮށްފައި ވަނީ އެމީހުންގެ ބަންދުގެ މުއްދަތު މުރާޖައާކުރުމަށް ބޭއްވި އަޑުއެހުމެއްގައި، އެމީހުންގެ ބޭސްފަރުވާއަށެވެ.
