Saturday, 14 November 2026
Advertisement
Ooredoo — Article-Top (leaderboard)
ކުޅިވަރު

އެފްއޭއެމްއިން "ރޭޑިއަންޓް"އަށް ފުރުސަތެއް ނުދިން

އެފްއޭއެމްއިން "ރޭޑިއަންޓް"އަށް ފުރުސަތެއް ނުދިން

ކުރީގެ "ނިއު ރޭޑިއަންޓް"ސްޕޯޓްސް ކްލަބާއި އެއްގޮތް ގޮތެއް ހުރި ކަމަށް ބުނެ އެ ޓީމުގެ ސަޕޯޓަރުންތަކެއް ހަދައިފައިވާ "ރޭޑިއަންޓް"އަށް ފުރުސަތު ނުދޭން އެފްއޭއެމްއިން ނިންމައިފިއެވެ.

ކުޅުންތެރިންނަށް މުސާރަ ނުދޭ މައްސަލައިގައި އެފްއޭއެމްއިން މީގެ ކުރިން ވަނީ ނިއުރޭޑިއަންޓް ސަސްޕެންޑު ކޮށްފައެވެ.

ރޭޑިއަންޓް ސްޕޯޓްސް ކްލަބުން މިއަދު ބުނީ އެ ކްލަބަށް ފުރުސަތު ނުދޭން އެފްއޭއެމްއިން ނިންމީ ލޯގޯއާއި ކުލައަށް ބަލާއިރު އެއީ ނިއު ރޭޑިއަންޓާ ގުޅޭ ކްލަބަކަށް ވާތީ ކަމަށެވެ. އަދި ރޭޑިއަންޓުގެ ބޯޑުގައި، ނިއު ރޭޑިއަންޓުގެ ބޯޑު މެމްބަރުންތަކެއް ތިބުމަކީ ވެސް އެކަމަށް ބާރު ލިބޭ ކަމެއް ކަމަށް އެފްއޭއެމުން ދެކޭ ކަމަށް ރޭޑިއަންޓުން ބުނެފައިވެއެވެ.

Advertisement
Ooredoo — Square (box)

އެ ކްލަބުން ބުނީ އޭއެފްސީއާއި ރާއްޖޭގެ ސްޕޯޓްސް ކޮމިޝަނަރު ހީނާ އަހުމަދު ސަލީމުގެ މަޝްވަރާގެ މަތިން، ރޭޑިއަންޓަކީ ސަސްޕެންޑްކޮށްފައި އޮތް ނިއުރޭޑިއަންޓުގެ ސްޕޯޓިން ސަކްސެސާއެއް ކަމަށް ފީފާގެ ގަވާއިދުގެ ދަށުން ބެލޭނެ ތަން އޮތުމުން ފުރުސަތު ނުދިނީ ކަމަށެވެ.

"ރޭޑިއަންޓަކީ ނިއުރޭޑިއަންޓްކަމަށް ކަނޑައަޅައި އެފްއޭއެމްއިން ރާވާ ހިންގާ އެއްވެސް މުބާރާތެއްގައި ރޭޑިއަންޓަށް ބައިވެރި ނުވެވޭނެ ކަމަށް، އެފްއޭއެމްއިން ވަނީ ކްލަބަށް މައުލޫމާތު ދީފައި،" ރޭޑިއަންޓް ކްލަބުން ބުންޏެވެ.

އެފްއޭއެމުން ރޭޑިއަންޓަށް ކުޅޭނެ ފުރުސަތު ނުދޭން ނިންމީ އެ ކްލަބުން ކޯޗުންނާއި ކުޅުންތެރިން ހޯދައި ތިންވަނަ ޑިވިޝަނަށް ތައްޔާރުވެފައި ވަނިކޮށެވެ. ކޯޗަކަށް ހަމަޖައްސައިފައި ވަނީ ކުރީގެ ޑިފެންޑަރު ސޮބާހު މުހައްމަދު އިބްރާހީމެވެ.

ރިއެކްޝަން

Advertisement
HDC — Sidebar (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.