ރައީސް ޔާމީން ހައްޔަރުކުރަން ގޮވައިލައި އެމަނިކުފާނުގެ ގެކޮޅަށް ސްޕްރޭކޮށްފި
ރައީސް އަބްދުﷲ ޔާމީން ހައްޔަރުކުރަން ގޮވައިލައި އެ މަނިކުފާނުގެ ގެކޮޅަށާއި ޕީޕީއެމްގެ އޮފީސް ދޮރަށް ސްޕްރޭކޮށްފިއެވެ.
މަޢުލޫމާތު ލިބިފައިވާ ގޮތުގައި މިކަން ކޮށްފައި ވަނީ ރޭގެ ދަންވަރު ވަގުތެއްގައެވެ.
މީސް މީޑިއާގައި މިހާރު ދައުރުވަމުންދާ ފޮޓޯތަކުން ފެންނަ ގޮތުގައި ޕީޕީއެމްގެ އޮފީހުގެ ދޮރުމައްޗަށް، ރައީސް ޔާމީން ހައްޔަރު ކުރުމަށް ގޮވައިލައި އެމަނިކުފާނުގެ ފޮޓޯ ހިމެނޭ ކުރެހުންތަކެއް ވަނީ އަޅައިފައެވެ.
ރައީސް ޔާމީންގެ ގެކޮޅު ހ. ދޫވެއްސާއި ޕީޕީއެމްގެ އޮފީސް ހުންނަ ހ. ހުރަފަގޭގެ ދޮރުމައްޗަށް، އެމަނިކުފާނު ހައްޔަރުކުރަން ގޮވައިލައި އަޅައިފައި ވަނީ "އެރެސްޓް ޔާމީން އަބުދުލްގައްޔޫމް" ޖަހައިފައިވާ ލިޔުންތަކެކެވެ.
ރައީސް ޔާމީން ހައްޔަރުކުރަން ގޮވައިލައި މީގެ ހަފްތާއެއް ކުރިން ވެސް އެމަނިކުފާނުގެ ގެކޮޅު ކައިރީ ގްރޫޕަކުން ވަރަށް މިނިވަންކަމާ އެކު މުޒާހަރާކޮށްފައިވެއެވެ.
