ތަކެތީގެ އަގު ބޮޑުވާކަން ރައްޔިތުންނަށް އިހުސާސެއް ނުކުރެވޭ: ސަލީމް
ރާއްޖޭގެ މާލީ ކަންކަން ސަރުކާރުން ބަލަހައްޓަވަމުންދާ ގޮތުން ދުނިޔޭގެ އިޤްތިޞާދަށް އަންނަމުންދާ ލޮޅުންތަކާ އެކު ވެސް ރާއްޖެއަށް އިޤްތިޞާދީގޮތުން ކުރަމުންދާ އަސަރު އިންތިހާއަށް ކުޑަކަމަށް ރައްޔިތުންގެ މަޖިލީހުގެ ހޯރަފުށީ ދާއިރާގެ މެމްބަރު އަހުމަދު ސަލީމް ވިދާޅުވެއްޖެއެވެ.
ސަލީމް މިފަދައިން ވިދާޅުވެފައި ވަނީ ދައުލަތުގެ މާލިއްޔަތު ގާނޫނަށް ސަރުކާރުގެ ފަރާތުން ފުވައްމުލަކު ދެކުނު ދާއިރާގެ މެންބަރު މުޙައްމަދު މުމްތާޒް ހުށަހަޅުއްވައިފައިވާ އިސްލާހަށް ވާހަކަ ދައްކަވަމުންނެވެ.
މި އިސްލާހަށް މަޖިލީހުގައި ވާހަކަ ދައްކަވަމުން ސަލީމް ވިދާޅުވީ ފެންނަނީ ފިނޭންސް މިނިސްޓަރުގެ އަތަށް ބާރުތައް ނަގަން އުޅޭ މަންޒަރު ނޫން ކަމަށާއި، ސަރުކާރާއި ވަޒީރުގެ ބޭނުމަކީ ޗެކް އެންޑް ބެލެންސް ގެނައުމާއި ބާރުތައް ދޫކޮށްލެއްވުން ކަމަށެވެ.
ސަލީމް ވިދާޅުވީ މިއަދު ދުނިޔޭގެ އިޤްތިޞާދަށް އައިސްފައިވާ ލޮޅުންތަކާ އެކު، ތަކެތީގެ އަގަށާއި، ތެލުގެ އަގަށް ބޮޑު ބަދަލެއް އަންނަމުންދާ ކަމަށެވެ. ނަމަވެސް މިކަމުގެ އިހްސާސް ދިވެހި ރައްޔިތުންނަށް ނުކުރާހާ ރަނގަޅަށް ސަރުކާރުން ކަންކަން މެނޭޖް ކުރަމުންދާކަމަށް ސަލީމް ވިދާޅުވިއެވެ.
އެމެރިކާއާއި އިނގިރޭސިވިލާތުގައި ތަކެތީގެ އަގު ބޮޑުވަމުން އަންނަކަން ފާހަގަކުރައްވައި ސަލީމް ވިދާޅުވީ ރާއްޖޭގެ ވެސް އިންފްލޭޝަން އޮންނާނެ ކަމަށާއި، އެކަމާ މެދު އެއްވެސް ޝައްކެއް ނެތް ކަމަށެވެ. މުޅި ދުނިޔެއަށް ދިމާވާ ކޮންމެ ދައްޗެއްގައި ރާއްޖެ ވެސް އޭގެ ތަހައްމަލުކުރަން ޖެހޭ ކަންކަން ހުންނާނެ ކަމަށް ވިދާޅުވިއެވެ.
އެއްވެސް ޝައްކެއް ނެތް މުޅި ދުނިޔެއަށް ދިމާވާ ކޮންމެ ދައްޗެއްގައި އަޅުގަނޑުމެންނަށް ވެސް އޭގެ ތަހައްމަލް ކުރަން ޖެހޭ ކަންކަން ހުންނާނެ. އެހެން ނަމަވެސް ތެލުގެ އަގު ބޮޑުވާކަން ދިވެހި ރައްޔިތުންނަށް އެބަ އިހުސާސް ކުރެވޭތޯ؟ ކާބޯތަކެތީގެ އަގުބޮޑުވާކަން ދިވެހި ރައްޔިތުންނަށް އެބަ އިހުސާސް ކުރެވޭތޯ؟ އަގުބޮޑުވޭ އެއްވެސް ޝައްކެއް ނެތް އަގު ބޮޑުވޭ. އެހެން ނަމަވެސް ދިވެހި ސަރުކާރުގެ ވިސްނުންތެރިކަމާއި، ދެފުށްފެންނަ ސިޔާސަތުގެ ތެރެއިން މިކަންކަން ރަނގަޅުވެގެން ދަނީ.
މިސަރުކާރުން ފާއިތުވެދިޔަ ދުވަސްތަކުގައި މާލިއްޔަތު ޤާނޫނަށް ފަސް ފަހަރެއްގެ މަތީން ވަނީ އިސްލާހު ގެނެސްފައެވެ.
ކަލެއަށޑށް ނުވަނީ. ކަލެއާ ކަލޭގެ އާއިލާއަށް. ކަލޭގެ މުޅި އާއިލާ ތިބެނީ ބޮޑު މުސާރަ ލިބޭ ދައުލަތުގެ މަތީ މަގާމުތަކުގަ ވިއްޔަ. އާއްމު ނިކަމެތިންގެ ތުރާލެއް އިހުސާސެއް ނުވާނެ
މީ ހިތައް އެރިހާ އެއްޗެއް ގޮވާން ތިބޭ ހިމާރުތަކެއްތަ. ހިމާރަކަށް ނޭނގޭނެތާ ވާނުވާއެއް