Monday, 16 November 2026
Advertisement
Allied Insurance (leaderboard)
ޚަބަރު

މޮސްޓާ، ރައީސް ނަޝީދަށް: ކުއްލި މައްސަލަ ބަލައި ނުގަތީ އާއިލީ ކުޅިވަރަކަށް ވީމަތޯ؟

މޮސްޓާ، ރައީސް ނަޝީދަށް: ކުއްލި މައްސަލަ ބަލައި ނުގަތީ އާއިލީ ކުޅިވަރަކަށް ވީމަތޯ؟

މީސްމީޑިއާގައި ދައުރުވަމުން އަންނަ އެއްޖިންސުން ގުޅުން ހިންގާ ވީޑިއޯތަކާ ގުޅޭ ގޮތުން މިއަދު މަޖިލީހަށް ހުށަހެޅި މައްސަލަ، މަޖިލީހުގެ ރިޔާސަތުގައި އިންނެވި، އެތަނުގެ ރައީސް، ރައީސް މުޙައްމަދު ނަޝީދު ބަލައިނުގަތުމުން، މައްސަލަ ހުށަހެޅުއްވި ނޮޅިވަރަމް ދާއިރާގެ މެންބަރު މުޙައްމަދު ނަޝީދު (މޮސްޓާ) ކަންބޮޑުވުން ފާޅު ކުރައްވައިފިއެވެ.

މިއަދު ރައްޔިތުންގެ މަޖިލީހަށް މޮސްޓާއާއި ނައިފަރު ދާއިރާގެ މެންބަރު މުޙައްމަދު ޝިޔާމް ވަނީ ދައުރުވަމުން އަންނަ ވީޑިއޯތަކާ ގުޅިގެން ކުއްލި ދެ މައްސަލައެއް ހުށަހަޅުއްވައިފައެވެ.

މައްސަލަ ހުށަހަޅަން ފުރުސަތު ނުދީ، ރައީސް ނަޝީދު ވިދާޅުވީ، އެ ފޮޓޯތަކުގެ ސައްޙަކަން ކަށަވަރުވެފައި ނުވާ ކަމަށާއި އެހެންކަމުން ބައެއްގެ މައްޗަށް ކުރެވޭ ތުހުމަތެއްގެ މައްޗަށް މަޖިލީހުގައި ވާހަކަދައްކަން ފުރުސަތު ދޭން ޖެހޭނެ ކަމަށް ގަބޫލު ނުކުރެވޭ ކަމަށެވެ.

Advertisement
Allied Insurance — Square (box)

"މި ފޮޓޯތަކަކީ އެކިއެކި މީހުންގެ މައްޗަށް ކުރެވޭ ތުހުމަތު. ފުލުސް އޮފީހަށް ހުށަހަޅާ ފޮޓޯ. އެ ފޮޓޯތަކުގެ ސައްހަކަން ފުލުސް އޮފީހަށް ކަށަވަރު ނުވޭ. އެއީ އަސްލު ކަމަށް ބަލައި އެކަމާ ގުޅޭ ގޮތުން މި މަޖިލީހުގައި ބަހުސް ކުރަން ޖާގަ އޮތް ކަމަކަށް އަޅުގަނޑު ނުދެކެން" ރައީސް ނަޝީދު ވިދާޅުވިއެވެ.

"ފޮޓޯ އުފެދިފައި އޮތް ގޮތާއި އުފެދިފައި އޮތް ހަމަތައް، ދެނެ ނުގަނެ، އެހެން މީހެއްގެ އަބުރާ އިއްޒަތަށް ލިބޭ ގޮތަށް އެއްވެސް ކަމެއް، ދައުލަތުގެ އެއްވެސް މުއައްސަސާއަކުން ކުރުމަކީ އަޅުގަނޑު ދެކޭ ގޮތުގައި މި ރާއްޖޭގެ ހަމަތަކާއި އުސޫލުތަކާއި އާދަކާދަ ޖާގަދޭ ކަމެއް ނޫން"

ލީކްވެގެން އުޅޭ ވީޑިއޯތަކުގެ ތެރޭގައި ރައީސް ނަޝީދުގެ ކޮއްކޯފުޅު، ނާޒިމް ސައްތާރު ކަމަށް ބުނާ މީހެއްގެ ވީޑިއޯ ވެސް ހިމެނެއެވެ.

މިކަމާ ގުޅިގެން މިއަދު މޮސްޓާ ވަނީ ކުއްލި މައްސަލަ ބަލައި ނުގަތީ، ލިވާތު ކުރުމަކީ ރައީސް ނަޝީދުގެ އާއިލީ ކުޅިވަރަކަށް ވީމަތޯ ވިދާޅުވެ ސުވާލުކުރައްވައިފައެވެ.

ރިއެކްޝަން

Advertisement
Allied Insurance — Square (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.