ކުޑަ ކުއްޖަކާ ބެހުނު ކަމަށްބުނެ މީހަކަށް އަނިޔާކޮށްފި

ކުޑަކުއްޖަކަށް ޖިންސީ ގޯނާކުރި ކަމަށް ބުނެ މީހަކަށް ހުޅުމާލޭގައި ބަޔަކު އަނިޔާކުރާ މަންޒަރު ފެންނަ ވީޑިއޯއެއް އާއްމުވެއްޖެއެވެ.

Ads by Hajj Corporation

އެކަމާ ގުޅޭ ގޮތުން ފުލުހުން ބުނީ ހުޅުމާލެ ދެ ވަނަ ފިޔަވަހީގައި ބަޔަކު މީހުން މީހަކަށް އަނިޔާކުރާކަމުގެ ރިޕޯޓް ލިބިފައިވާ ކަމަށާއި މިހާރު އަނިޔާ ލިބުނު މީހާ ފުލުހުންގެ ބެލުމުގެ ދަށަށް ގެނެސްފައިވާ ކަމަށެވެ. އަދި އެ މީހާއަކީ 29 އަހަރުގެ މީހެއް ކަމަށް ފުލުހުން ހާމަކުރެއެވެ.

ވީޑިއޯއިން ފެންނަ ގޮތުގައި ހިޔާ ފްލެޓް ސަރަހައްދުގައި އެ މީހާއަށްވަނީ ފައިންނާއި އަތުން ތަޅާ މަންޒަރު ފެނެއެވެ. އަދި ލައިގެން ހުުރި އެއްޗެހި ވެސް ބާލުވައެވެ. އަދި ކުއްޖާއާ ބެހުނު ކަމަށް އެއްބަސްވުމަށާއި ކަންކުރި ގޮތް ކިޔައިދޭން އެދި ގޮވައެވެ.

މި މައްސަލަ އިތުރަށް ފުލުހުން ދަނީ ތަޙްޤީޤް ކުރަމުންނެވެ.