Tuesday, 17 November 2026
Advertisement
MWSC — SmartMeter (leaderboard)
އިޖުތިމާޢީ

18 އަހަރުން މަތީގެ މީހުންނަށް ކޮވިޑު ވެކްސިންގެ 4 ވަނަ ޑޯޒް ދޭން ފަށައިފި

18 އަހަރުން މަތީގެ މީހުންނަށް ކޮވިޑު ވެކްސިންގެ 4 ވަނަ ޑޯޒް ދޭން ފަށައިފި

ޢުމުރުން 18 އަހަރުން މަތީގެ މީހުންނަށް ކޮވިޑު ވެކްސިންގެ 4 ވަނަ ޑޯޒް ދޭން ފަށައިފިއެވެ.

ހެލްތު ޕްރޮޓެކްޝަން އެޖެންސީން މިއަދު ބުނީ, މިއަދުން ފެށިގެން ކޮވިޑު ވެކްސިންގެ 4 ވަނަ ޑޯޒް, ޢުމުރުން 18 އަހަރުން މަތީގެ މީހުންނަށް ޖެހުމަށް ހަމަޖެހިފައިވާ ކަމަށެވެ. ނަމަވެސް މި ޑޯޒް ޖަހާނީ ތިންވަނަ ޑޯޒު ޖެހިފަހުން ހަތަރު މަސް ދުވަސް ފުރިހަމަވެފައިވާ ފަރާތްތަކަށް ކަމަށެވެ.

އެ ފަރާތްތަކަށް ޖަހައިދޭނީ ފައިޒާ ވެކްސިންކަމަށް އެޗްޕީއޭއިން ބުންޏެވެ.

Advertisement
Ooredoo — Square (box)

އެޗްޕީއޭއިން ބުނީ މާލެ ސަރަހައްދުގައި ވެކްސިން ޖެހުމަށް ހަމަޖެހިފައިވަނީ އެޕޮއިންޓްމެންޓް އުސޫލުން ކަމަށާއި, އަތޮޅުތެރޭގައި ވެކްސިން ޖެހުމުގެ އިންތިޒާމު ހަމަޖެހިފައިވާ ގޮތް އެ ރަށެއްގެ ހޮސްޕިޓަލް ނުވަތަ ސިއްހީ މަރުކަޒުން ޢާއްމު ކުރާނެ ކަމަށެވެ.

މީގެ އިތުރުން 12 އަހަރުން މަތީގެ މީހުންގެ ތެރެއިން ވެކްސިންގެ ފުރަތަމަ އަދި ދެވަނަ ޑޯޒް މިހާތަނަށް ފުރިހަމަ
ނުކުރެވި ހުރި ފަރާތްތަކަށް ވެކްސިން ސެންޓަރު ތަކުން ވެކްސިން ދިނުމުގެ އިންތިޒާމު ހަމަޖެހިފައިވާނެކަމަށް ވެސް އެޗްޕީއޭއިން ބުންޏެވެ.

މާލެ ސަރަހައްދުގައި ވެކްސިން ޖަހައިދޭނެ ގަޑިތައް:

ދަރުމަވަންތަ ހޮސްޕިޓަލް: 12:00 އިން 14:00 އަށް (އާދިއްތަ، އަންގާރަ،ބުދަ)

ހުޅުމާލެ ހޮސްޕިޓަލް: 13:00 އިން 15:00 އަށް (އާދިއްތަ، އަންގާރަ، ބުރާސްފަތި)

ދަމަނަވެށި: 13:00 އިން 15:00 އަށް (ސަރުކާރު ބަންދު ނޫން ކޮންމެ ދުވަހަކު)

ވެކްސިން ޖެހުމަށް ޝަރުތުހަމަވާ ފަރާތްތަކަށް mv.gov.hpa.book އިން މަތީގައިވާ ސެންޓަރުތަކަށް އެޕޮއިންޓްމަންޓް ހެއްދޭނެއެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.