Tuesday, 17 November 2026
Advertisement
Ooredoo — Airfibre (leaderboard)
ވިޔަފާރި

ހަތަރު ރަށެއްގެ ސިއްހީ މަރުކަޒުގެ ޖާގަ އިތުރުކުރަން ހަވާލުކޮށްފި

ހަތަރު ރަށެއްގެ ސިއްހީ މަރުކަޒުގެ ޖާގަ އިތުރުކުރަން ހަވާލުކޮށްފި

ހެލްތު މިނިސްޓްރީން ހަތަރު ރަށެއްގެ ސިއްހީ މަރުކަޒުގެ ޖާގަ އިތުރުކުރުމުގެ މަސައްކަތް ކޮންޓްރެކްޓަރުންނާ އިއްޔެ ހަވާލުކޮށްފިއެވެ.

އެ ގޮތުން ހެލްތު މިނިސްޓްރީން އިއްޔެ ވަނީ ތިން ކުންފުންޏަކާއެކު އެއްބަސްވުންތަކުގައި ސޮއިކޮށްފައެވެ. އެ ތިން ކުންފުންޏަކީ ރައިޒާ ޕްރައިވެޓް ލިމިޓެޑާއި, ކްލޭ ލިމިޓެޑް ލައިބިލިޓީ ޕާރޓްނަޝިޕާއި, ފާސްޓްލައިން ޕްރައިވެޓް ލިމިޓެޑެވެ.

މަތިވެރީގެ ސިއްހީ މަރުކަޒުގެ މަސައްކަތް ހަވާލުކުރީ ރައިޒާ ޕްރައިވެޓް ލިމިޓެޑާ ހަވާލުކުރީ 4,800,000 ރުފިޔާއަށެވެ. އެއީ އެ މަރުކަޒުގެ އެކްސްޓެންޝަން ޢިމާރާތާއި, ޕޯރޓިކޯއާއި ވަށާފާރު ރޭނުމުގެ މަސައްކަތެވެ.

Advertisement
Allied — Dhen Online (box)

ޅައިމަގު ސިއްހީ މަރުކަޒުގެ އެކްސްޓެންޝަން ޢިމާރާތާއި, ޕޯރޓިކޯ ހެދުމުގެ މަސައްކަތް ހަވާލުކުރީ ކްލޭ ލިމިޓެޑް ލައިބިލިޓީ ޕާރޓްނަޝިޕް އާއެވެ. އެ މަސައްކަތް ހަވާލުކުރީ 4,343,738.23 ރުފިޔާއަށެވެ. މީގެ އިތުރުން ނަރުދޫ ސިއްހީ މަރުކަޒުގެ އެކްސްޓެންޝަން ޢިމާރާތާއި, ޕޯރޓިކޯ ހެދުމުގެ މަސައްކަތް ހަވާލުކުރީ ވެސް ކްލޭ ލިމިޓެޑް ލައިބިލިޓީ ޕާރޓްނަޝިޕްއާއެވެ. އެ މަސައްކަތް ހަވާލުކުރީ 4,220,037.44 ރުފިޔާއަށެވެ.

ފާސްޓްލައިން ޕްރައިވެޓް ލިމިޓެޑާ ހަވާލުކުރީ ފީވަކު ސިއްހީ މަރުކަޒުގައި ޢިމާރާތް ކުރުމަށް ހަމަޖެހިފައިވާ އެކްސްޓެންޝަން ޢިމާރާތުގެ މަސައްކަތެވެ. އެއީ 3,686,201.08 ރުފިޔާއަށެވެ.

މި ހުރިހާ މަސައްކަތްތައް ވެސް އެ ކުންފުނިތަކާ ހަވާލުކުރީ 150 ދުވަސްތެރޭގައި ނިންމާ ގޮތަށެވެ.

ރިއެކްޝަން

Advertisement
Allied — Dhen Online (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.