ޤާނޫނުއަސާސީ މުގުރައި ކުދިކޮށްފައި ދެން ހައްލު ފެނޭތޯ ބެލިޔަސް އޮންނާނީ ބޮލާފޮށާ އެޅިފައި: ވަޙީދު
ޤާނޫނުއަސާސީ މުގުރާ ކުދިކޮށްފައި ދެން ހައްލެއް ފެނޭތޯ ބެލި ނަމަވެސް އޮންނާނީ ބޭޒާރުވެފައިކަމަށް ކުރީގެ ކޮމިޝަނަރ އޮފް ޕޮލިސް ޙުސައިން ވަޙީދު ވިދާޅުވެއްޖެއެވެ.
ޙުސައިން ވަޙީދު ވިދާޅުވީ ޤާނޫނުއަސާސީން ލިބިދޭ ޙައްޤުތަކާއި މިނިވަންކަން ނިގުޅައިގަނެ ޤާނޫނު އަސާސީއަށް ބެލުމެއްނެތި ޤާނޫނުތަކާއި ގަވާއިދުތައް ހިތުހުރި ގޮތަކަށް މާނަކޮށް ހިންގައި ތަންފީޒުކޮށްފި ކަމަށެވެ. އަދި ޤާނޫނުއަސާސީއާއި ޤާނޫނުތަކާއި ގަވާއިދުތައް މުގުރާ ކުދިކޮށް, އެއަށް ފައިންއަރައި, އޭގެ ހުރުމަތްކަނޑާލާފައި ޤާނޫނުއަސާސީއާއި, ޤާނޫނާއި, ގަވާއިދުތަކުގެ ފޮޅުވަތްތައް ހާވައި, އެއިން ހައްލު ފެނޭތޯ ބެލުމަކީ ވާނޭ ކަމެއްނޫން ކަމަށެވެ.
''ފުރަތަމަ އިހުތިރާމް ދެން ހިންގުން. ތަރުތީބު އޮޅިއްޖެނަމަ ބޮލާފޮށާ އެޅޭނެ.'' ޙުސައިން ވަޙީދު ވިދާޅުވިއެވެ.
ބޮލާފޮށާ އެޅުމަކީ ބޭޒާރުވުމެވެ.
އޭނާ މިހެން ވިދާޅުވިއިރު ޤާނޫނުއަސާސީއާ ޚިލާފަށް ރާއްޖޭގައި ދެ ރައީސުން ހުވާކުރައްވައިގެން ތިއްބެވިކަން ވެސް ފާހަގަކުރެވެއެވެ. އެ ގޮތުން އެ މައްސަލައަށް ސްޕްރީމް ކޯޓުން ހައްލު ހޯދަންޖެހޭކަމަށް އިދިކޮޅުގެ ލީޑަރު ކުރީގެ ރައީސް ޔާމީން ޢަބްދުލްޤައްޔޫމު ވެސް ވަނީ ވިދާޅުވެފައެވެ.
މިނާ އެންމެރަގަޅުވާނީ މިކަހަލަ ވާހަކަ ދައްކަން.
ރައީސްގެ މަސްއޫލިއްޔަތާއި ނާއިބްރައިސް ހަވާލުވާނަމަ ޖެހެނީ ލިއުމަކުން މަޖިލީހުގެ ރައީސަށް އަންގަން އަބުރާހަވާލުވުމަށް ވެސް ލިއުމަކުނ އެންގީމަ ނިމުނީ ހުވާކުރާކަށް ނުޖެހޭނެ. ވަގުތީޚޮންވިޔަސް ދާއިމީކޮންވިޔަސް ރައިސުލް ޖުމްހޫރިއްޔާގެ މަގާމާއި ނާއިބުރައީސް ހަވާލުވާނަމަ ހުވާކުރަންޖެހޭ ކަމަށް ގާނޫނުއަސަސީގަ އެބައޮތް. ރައީސްގެ މަގާމާއި ނާއިބުރައީސް ހަވާލުވެ ހުވާކޮށްފިނަމަ ކުރިން ރައީސްކަމުގެ މަގާމުގަ ހުރިމީހަކު އެމަގާމުން ވަކިވާނެ. އެއީ ރައިސުލްޖުމްހޫރިއްޔާގެ މަގާމް އޮންނަނީ އެއްމަގާމަށް ވީމަ އެއް މަގާމުގަ ދެރައީސުންނަށް ނުތިބެވޭނެތީ