ކުޅުދުއްފުށީ ސިޓީގައި ޝަހީދު ޙުސައިން އާދަމްގެ ހަނދާނީ ބިނާއެއް ހަދަނީ
ކުޅުދުއްފުށީ ސިޓީގައި ޝަހީދު ޙުސައިން އާދަމްގެ ހަނދާނީ ބިނާއެއް ހެދުމަށް ނިންމައިފިއެވެ.
ކުޅުދުއްފުށީ ސިޓީއަކީ ޝަހީދު ޙުސައިން އާދަމްގެ އުފަން ރަށެވެ.
ކުޅުދުއްފުށީ ސިޓީ ކައުންސިލުން މިއަދު ބުނީ އެ ސިޓީގައި ޝަހީދު ޙުސައިން އާދަމްގެ ހަނދާނީ ބިނާއެއް ހެދުމަށް ބޭނުންވާތީ ޝަހީދު ޙުސައިން އާދަމްގެ ހަނދާނީ ބިނާ ފަރުމާކުރުމުގެ ފުރުސަތު ޢާންމުކޮށް ހުޅުވައިލާ ކަމަށެވެ.
އެ ބިނާ ހުންނަންވާނީ ޙުސައިން އާދަމްގެ ޖިހާދު ރަމްޒުކޮށްދޭ ފަރުމާއަކަށް ކަމަށާއި, ފަރުމާކޮށްފައި ހުންނަންވާނީ ބާޒާރުން ފަސޭހައިން ލިބޭ ދިގު މުއްދަތައް ދެމި ހުންނަ މެޓީރިއަލްއަކުން ހެދޭ ގޮތަށްކަމަށް ކުޅުދުއްފުށީ ސިޓީ ކައުންސިލުން ކުރި އިއުލާނުގައި ވެއެވެ. އަދި ފަރުމާ ވާންވާނީ ބަލާލަން ރީތި، އިސްލާމްދީނާއި އާންމު އިޖްތިމާއީ މިންގަނޑުތަކަށް ފެތޭ ފަރުމާއަކަށް ކަމަށް ވެސް އިއުލާނުގައި ވެއެވެ.
އިއުލާނުގައިވާ ގޮތުން ބިނާ ބެހެއްޓުމަށް ހަމަޖެހިފައިވަނީ ރަށުގެ އާންމު ސަރަހައްދެއްގައެވެ.
ކުޅުދުއްފުށީ ސިޓީ ކައުންސިލުން ބުނީ ހުށަހެޅޭ ފަރުމާތަކުގެ ތެރެއިން އެންމެ ރަނގަޅު ފަރުމާއަކަށް ފައިސާގެ އިނާމުގެ ގޮތުގައި 5000 ރުފިޔާ ކަނޑައެޅިފައިވާ ކަމަށެވެ.
ފަރުމާ ހުށަހެޅުމުގެ ސުންގަޑިއަކީ މި މަހުގެ ވަނަ ދުވަހުގެ 14:00 އެވެ. ބިނާ ފަރުމާ ކުރުމަށްފަހު، ސޮފްޓް ކޮޕީތައް (ކޮރަލްޑްރޯ, އޮޓޯކެޑް ނުވަތަ ސްކެޗަޕް) މެއިލް ކޮށްދިނުމަށް ވަނީ އެދިފައެވެ. މެއިލް ކުރާނީ މި ( [email protected] ) އެޑްރެހަށެވެ.
ރަނގަޅުތާ. އެކަމަކު ތިވެސް ބިދުޢަ ނޫނީ ހަރާމް ކުރުމަކީ ކޮށްފާނެ ކަމެއް