މި ސަރުކާރުން ޒުވާނުންނަށް ގިނަ ފުރުސަތުތަކެއް ހޯއްދަވާދެއްވި ކަމީ ޒުވާނުން ދުވަސް ފާހަގަ ކުރާއިރު ލިބޭ ހިތްހަމަ ޖެހުމެއް: މަޙްލޫފް
ރައީސް އިބްރާހީމް މުޙައްމަދު ޞާލިޙްގެ ސަރުކާރުން ޒުވާނުންނަށް ގިނަ ފުރުސަތުތަކެއް ހޯދަވައިދެއްވާފައިވާ ކަމަށާއި އެއީ، ޒުވާނުންގެ ދުވަސް ފާހަގަ ކުރާއިރު ލިބޭ ހިތް ހަމަ ޖެހުމެއް ކަމަށް މިނިސްޓަރ އޮފް ޔޫތް، ސްޕޯޓްސް އެންޑް ކޮމިއުނިޓީ އެންޕަވަރމެންޓް އަޙްމަދު މަޙްލޫފް ވިދާޅުވެއްޖެވެ.
މަޙްލޫފް މިހެން ވިދާޅުވީ، މިއަދު ފާހަގަ ކުރަމުން އަންނަ ޒުވާނުންގެ ދުވަހާ ދިމާކޮށް ކުރެއްވި ޓްވީޓެއްގައެވެ.
މަޙްލޫފް ވިދާޅުވީ، މި ސަރުކާރުން ޒުވާނުންނަށް ޚާއްސަކޮށްގެން ގިނަ އެޕްރެންޓިސްޝިޕްތަކެއް ކުރިޔަށް ގެންދާ ކަމަށާއި، ވަޒީފާގެ 20،000 ފުރުސަތު މި ސަރުކާރުން އުފައދާފައިވާ ކަމަށެވެ. އަދި ހިލޭ ޑިގްރީއަށް 15،000 ދަރިވަރުން ކިޔަވަމުންދާ ކަމަށާއި ކުޅިވަރުގެ ދާއިރާގައި ވެސް ޒުވާނުން ވިދަމުންދާ ކަން ފާހަގަ ކުރެއްވިއެވެ. އަދި ޒުވާނުންނަށް ވިޔަފާރި ފެށުމަށް ކުޑަ އިންޓްރެސްޓެއްގައި ލޯނު މި ސަރުކާރުން ދޭކަން ފާހަގަ ކުރައްވަމުން މި ސަރުކާރުންކޮށްދޭ މިފަދަ ކަންކަމުގެ ސަބަބުން ޒުވާނުންގެ ދުވަހެއް ފާހަގަ ކުރާއިރު ހިތްހަމަ ޖެހުން ލިބޭ ކަމަށް ވިދާޅުވިއެވެ.
"އެޕްރެންޓިސްޝިޕް ޕްރޮގްރާމް ،20000 އަށްވުރެ ގިނަ ވަޒީފާ، 15000 ދަރިވަރުންނަަށް ހިލޭ ޑިގްރީ، ކުޅިވަރުގެ ރަންޒަމާން، 474 މިލިއަން ރުފިޔާގެ އެސްއެމްއީ ލޯނު ފަދަ އެތައް ރައީސް ޞާލިޙްގެ ސަރުކާރުން ހާސިލްކޮށްދީފައިވާކަމީ ޤައުމީ ޒުވަަނުންގެ ދުވަސް ފާހަގަކުރާއިރު އޮތް ހިތްހަމަޖެހުމެއް" މަޙްލޫފް ކުރެއްވި ޓްވީޓްގައި ވިދާޅުވިއެވެ.
ދިވެހި ކުންފުނި ތަކަކީ ރާއްޖެއާއި ރާއްޖޭގެ ރައްޔިތުންނަށް ހެޔުއެދިގެން އުޅޭބަޔެއްނޫން އެމީހުން އުޅެނީ އެމީހުންގެ އަމިއްލަ މަސްލަހަތުގައި، އެހެންވެ ވަޒީފާވެސް ދެނީ ބޭރުމީހުނަށް ދިވެހިންނަށް އަދާކުރެވެން ހުންނަ ވަޒީފާތަށްވެސް، މިއަދު ދިވެހި ގިނަ ކުންފުނި ތަކުގައި ގިނައީ ބިދޭސީން ދޭސީން ނަށްވުރެން ، ދެން ކިހިނަކުން ޤައުމު ތަރައްޤީވާނީ !