އަންނަ މަހުގައި ރައީސް ޔާމީން ދެކުނުގެ ބައެއް އަތޮޅުތަކަށް
އަންނަ ނޮވެމްބަރުމަހު ރައީސް ޔާމީން ޢަބްދުލްޤައްޔޫމް ދެކުނުގެ ބައެއް އަތޮޅުތަކަށް ވަަޑައިގަންނަވާ ގޮތަށް ހަމަޖެހިއްޖެއެވެ.
ޕީޕީއެމްއިން މިއަދު ބޭއްވި ނޫސްވެރިންގެ ބައްދަލުވުމުގައި ތަރުޖަމާނު ހީނާ ވަލީދު ވިދާޅުވީ ނޮވެމްބަރުމަހުގައި ރައީސް ޔާމީން އައްޑޫ ސިޓީއަށް ވަޑައިގަންނަވާނެ ކަމަށެވެ. އަދި ތާރީޚެއްކަމަށް ކަނޑައަޅާފައި އޮތީ ނޮވެމްބަރު ތިނެއް ކަމަށާއި, ނަމަވެސް ތާރީޚަށް ބަދަލެއް އައުން އެކަށީގެންވާކަމަށ ހީނާ ވިދާޅުވިއެވެ.
''ތާރީޚަށް ބަދަލެއް އައުން އެކަށީގެންވޭ. އެހެން ނަމަވެސް ނޮވެމްބަރު މަހުތެރޭގައި އެ މަނިކުފާނު އައްޑޫ ސިޓީއަށް ޒިޔާރަތްކުރައްވާ ގޮތަށް ވަނީ ހަމަޖެހިފަ.''
ހަމައެއާއެކީގައި ނޮވެމްބަރުމަހު ތެރޭގައި ގދ.އަތޮޅަށާއި, ފުވައްމުލަކު ސިޓީއަށް ދަތުރުތައް ރާވަމުންދާކަމަށް ވެސް ހީނާ ވިދާޅުވިއެވެ.
އެ ރަށްރަށުގައި ތިބި ޕީޕީއެމްގެ ސަޕޯޓަރުން ރައީސް ޔާމީނަށް މަރުހަބާ ދެންނެވުމަށް ވަރަށް ބޮޑަށް ރަށުތެރެ ޒީނަތްތެރިކޮށް ތައްޔާރީތައް ވަމުންދާކަން ފާހަގަކޮށްލެވެއެވެ.
ރައީސް ޔާމީންގެ މި ދަތުރުފުޅުތަކަކީ ރިޔާސީ ކެންޑިޑޭޓްގެ ހައިސިއްޔަތުން ކުރައްވާ ދަތުރުފުޅުތަކެކެވެ.
Ads by STO
