އެމްޑީޕީގެ ރިޔާސީ ޕްރައިމަރީ އަންނަ ޑިސެމްބަރުގައިި
އެމްޑީޕީގެ ރިޔާސީ ޕްރައިމަރީ އަންނަ ޑިސެމްބަރުގައިި ބާއްވަން ތައްޔާރުވާން ފަށައިިފިއެވެ.
އެމްޑީޕީގެ ޗެއާޕާސަން ފައްޔާޟް އިސްމާޢީލާއި ހަވާލާދީ އެ ޕާޓީގެ ޑެޕިއުޓީ ޗެއާޕާސަން (އިދާރީ) އިބްރާހިމް ވަޙީދު އޮންލައިން ނޫހަކަށް ވިދާޅުވީ އަންނަ ޑިސެމްބަރުގައި ރިޔާސީ ޕްރައިމަރީ ބާއްވަން މަސައްކަތް ކުރަމުންދާ ކަމަށެވެ.
އަދި ދެން އެންމެ އަވަހަށް ބާއްވާ ޤައުމީ މަޖިލީހުގެ ޖަލްސާގައި ޕްރައިމަރީ ބާއްވަން ހޮވަންޖެހޭ ފަސްް މެންބަރުންގެ ކޮމިޓީ ހޮވާނެކަމަށް އޭނާ ވިދާޅުވިއެވެ. ކޮމިޓީ ހޮވުމަށްފަހު ޗެއާޕާސަންގެ ލަފާގެ މަތިން އިންތިޚާބުގެ ކަންކަން ކުރިއަށްގެންދާނެކަމަށް ވެސް އޭނާ ވިދާޅުވިއެވެ.
އެމްޑީޕީގެ ރިޔާަސީ ޕްރައިމަރީގައި ވާދަކުރެއްވުމަށް ރައީސް އިބްރާހިމް މުޙައްމަދު ޞާލިޙް ޝައުގުވެރިކަން ފާޅުކުރައްވާފައިވާއިރު, ރައީސް މުޙައްމަދު ނަޝީދު ވެސް ވަނީ ޕްރައިމަރީގައި ވާދަކުރައްވާނެ ކަމަށް ބެލެވެއެވެ.
