ސިޔާސީ މަންފާއެއް ހޯދުމަށްޓަކައި ދޮގު ހެދުމަކީ އަޅުގަނޑު ކުރާނެ ކަމެއް ނޫން: ރައީސް ޔާމީން
ސިޔާސީ މަންފާއެއް ހޯދުމަށްޓަކައި އިތުރުފުޅު ނުހައްދަވާނެ ކަމަށާއި, އެ މަނިކުފާނާއި ރާއްޖޭގެ އެހެނިހެން ސިޔާސީ ލީޑަރުންނާ ހުރި ތަފާތުތަކުގެ ތެރެއިން އެންމެބޮޑު ކަމަކީ އެއީކަމަށް ރައީސް ޔާމީން ޢަބްދުލްޤައްޔޫމް ވިދާޅުވެއްޖެއެވެ.
ރައީސް ޔާމީން އެހެން ވިދާޅުވީ ނޫނު އަތޮޅުގެ ބައެއް ރަށްތަކަށް ވަޑައިގަތުމަށް މިއަދު ފެށްޓެވި ދަތުރުފުޅުގައި ކެނދިކުޅުދުއަށް ވަޑައިގެން އެ ރަށު ރައްޔިތުންނާ މުޚާޠަބު ކުރައްވައި ދެއްކެވި ވާހަކަފުޅުގައެވެ.
ރައީސް ޔާމީންގެ ވާހަކަފުޅުގައި ވަނީ ރާއްޖެއަށް އިންޑިއާގެ ނުފޫޒު އޮތް މިންވަރުގެ މައްޗަށް އަލިއަޅުވައިލައްވައިފައެވެ. އަދި އެފަދަ ވާހަކަތައް ދައްކަވަނީ ސީރިއަސްކޮށް ކަމަށާއި, އެފަދަ ވާހަކަތައް ދައްކަވަނީ ސިޔާސީ މަގުސަދެއްގައި ނޫންކަމަށް ރައީސް ޔާމީން ވިދާޅުވިއެވެ.
''އަޅުގަނޑު ނުކުރާނެ ކަންތައްތަކުގެ ތެރޭގަ އޮންނަ އެއްކަމެއް އޮވޭ. ސިޔާސީ މަންފާއެއް ހޯދުމަށްޓަކައި ވެސް އެހެން ބައެއް ސިޔާސީ ލީޑަރުން ހައްދަވާ ގޮތަށް ވޯޓު ހޯދުމުގެ މަގުސަދުގަ ރައްޔިތުންގެ ވިސްނުން ބަދަލުކުރާނެ ގޮތަކަށް ބަދަލުކޮށްފަ ރައްޔިތުންނަށް އޮޅުވައިލާ ރައްޔިތުންނަށް ތެދު ނޫން ވާހަކަތަކުން ނޫނިއްޔާ އޮޅޭ ގޮތަށް ނޫނިއްޔާ ދޮގު ހަދައިގެން ވާހަކަދައްކާނެ މީހެއް ނޫން އަޅުގަނޑަކީ. އެކަން ކުރަންވެއްޖިއްޔާ އަޅުގަނޑެއް ސިޔާސީ މަސައްކަތުގައެއް ނޫޅޭނަން.''
''އަޅުގަނޑާ އެހެން ސިޔާސީ ލީޑަރުންނާ ހުރި ތަފާތުތަކުގެ ތެރޭގަ އެންމެބޮޑު ކަމަކީ މީ.'' ރައީސް ޔާމީން ވިދާޅުވިއެވެ.
ރައީސް ޔާމީން ވިދާޅުވީ ވޯޓު ހޯއްދެވުމުގެ މަގުސަދުގައި އެ މަނިކުފާނަށް ނުއުފުއްލެވޭ ވަރުގެ ބުރައެއްގެ ވާހަކަ ރައްޔިތުން ގާތުގައި ނުދައްކަވާނެ ކަމަށެވެ.
ސިޔާސީކޮއްމެމީހަކުވެސް ދޮގުހެދުމަކީއާއްމުކަމެއް ޓީވީޕްރޮގުރާމުތައްބައްލަވާލަބަލަކިތައްދޮގުހެދިފައިހުރިތޯ