ދައުލަތުގެ ދަރަނި އިތުރުވީ ވިޔަފާރިތަކަށްވެދިން އެހީއާއެކު، ހާލަތުން އަރައިގަނެވޭނީ ޓެކްސް ބޮޑުކޮށްގެން: އަމީރު
ދައުލަތުގެ ދަރަނި އިތުރުވީ ކޮވިޑުގެތެރޭގައި ވިޔަފާރިތަކަށްވެދިން އެހީއާއެކު ކަމަށާއި މި ހާލަތުން އަރައިގަނެވޭނީ ޓެކްސް ބޮޑުކޮށްގެން ކަމަށްފިނޭންސް މިނިސްޓަރ އިބްރާހިމް އަމީރު ވިދާޅުވެއްޖެއެވެ.
ޓީޖީއެސްޓީ 16 ޕަސެންޓަށް އަދި ޖީއެސްޓީ އަށް ޕަސެންޓަށް ބޮޑުކުރަން ރައްޔިތުންގެ މަޖިލީހަށް ހުށަހެޅި ބިލުގެ ބަހުސް މުޅި މަޖިލީހުގެ ކޮމިޓީގައި މިހާރު ކުރިއަށް ދާއިރު މިއަދުގެ މަޖިލިސް ޖަލްސާއަށް ފިނޭންސް މިނިސްޓަރު ވަނީ ހާޒިރުކޮށްފައެވެ.
އަމީރު ވިދާޅުވީ ކޮވިޑުގެ ވަބާގައި ދިމާވި ދަތިތަކުން އަރައިގަތުމަށް ސަރުކާރުން ގިނަ މަސައްކަތްތަކެއް ކޮއްފައިވާ ކަމަށެވެ. އޭގެ ތެރޭގައި ވިޔަފާރިތަކަށް ޑެބް މޮނިޓޯރިއަމް ދިނުމާއި އެސްއެމްއީތަކަށް ލޯނު ދީ، ބޮޑު ވިޔަފާރިތަކަށް ލޯން ދިނުމާއި، ރިސޯޓުތަކަށް ލޯނު ދިނުމާއި އާއްމު މީހުންނަށްވެސް ލޯނު ދީފައިވާ ކަމަށް ވިދާޅުވިއެވެ.
އަދި މިއާއެކު ދައުލަތުގެ ދަރަނި ވަރަށް ބޮޑަށް އިތުރުވެފައިވާ ކަމަށާއި ޖީއެސްޓީ އަދި ޓީޖީއެސްޓީ ބޮޑު ކުރަން ހުށަހަޅަނީ އެކަން ކަން ރަނގަޅު ކުރުމަށް ކަމަށް އަމީރު ވިދާޅުވިއެވެ.
“އެކަން އެގޮތަށް ކުރީމަ އޭގަ ކޯސްޓެއްވެސް އެބައޮތް، އެ ކޯސްޓަކީ ޕަބްލިކް ފައިނޭންސްއަށް ވަރަށް ބޮޑު ހިޓެއް ނެގުން. ދައުލަތުގެ ދަރަނިވެސް އިތުރުވެގެން ދިޔުން. އެހެންވީމަ އެކަން ކަން ރަނގަޅު ކުރުމަށްޓަކައި، ޖީއެސްޓީ، ޓީޖީއެސްޓީ މި ބޮޑު ކުރަން ހުށަހަޅަނީ،" މިނިސްޓަރ ވިދާޅުވިއެވެ.
