އޭޑީކޭއަށް 1.7 މިލިއަން ރުފިޔާ ދެއްކުމަށް އެފްއޭއެމްގެ މައްޗަށް ޙުކުމްކޮށްފި
އޭޑީކޭ ހޮސްޕިޓަލަށް 1.7 މިލިއަން ރުފިޔާ ދެއްކުމަށް ދިވެހިރާއްޖޭގެ ފުޓުބޯޅައިގެ މައި އިދާރާ, އެފްއޭއެމްގެ މައްޗަށް ޙުކުމްކޮށްފިއެވެ.
މި ފައިސާއަކީ އެފްއޭއެމްގެ އެދުމުގެ މަތިން އޭޑީކޭއިން ހޯދާފައިވާ ޚިދުމަތަކަށް މި އަހަރުގެ ފެބްރުއަރީ 05 ގެ ނިޔަލަށް އެ ހޮސްޕިޓަލަށް ދައްކަންޖެހޭ ފައިސާއެވެ.
އެފްއޭއެމްއިން އެ ފައިސާ ދައްކާފައިނުވާތީ އޭޑީކޭއިން ސިވިލް ކޯޓުގައި ދަޢުވާކުރީ އެ ފައިސާ އެއްފަހަރާ ހޯދުމަށެވެ. އޭޑީކޭއިން ބުނެފައިވާ ގޮތުން 1.7 މިލިއަން ރުފިޔާއަކީ 15 އިންވޮއިސްއަކަށް ދައްކަންޖެހޭ ޖުމްލަ ޢަދަދެވެ.
ސިވިލް ކޯޓުން އިއްޔެ އެފްއޭއެމްގެ މައްޗަށް ޙުކުމްކުރީ އެ ފައިސާ އެއްފަހަރާ އެއްމަސް ދުވަހުގެތެރޭ ދައްކައި ހަލާސް ކުރުމަށެވެ.
ދާދިފަހުން ވަނީ އެފްއޭއެމްއިން ސްޓެލްކޯއަށް ދައްކަންޖެހޭ 6.5 މިލިއަން ރުފިޔާ ނުދައްކައިގެން އެ ތަނުން ކަރަންޓު ވެސް ކަނޑާލައިފައެވެ.
ދެން ބުނޭ އެހެން ބަޔަކު ފަރުވާ ހޯދާފައި ތިމަންނަމެންނަށް ބިލްކުރީއެވެ. ބޭސް ކުރި ބަޔަކު އަތުން ފައިސާ ހޯދާށެވެ. އެފްއޭއެމެއްވާ ނެތެވެ. ހުރީ އަމީންގައިހުރި 22 މިލިޔަން ރުފިޔާގރ އެޕާރޓްމަންޓެވެ.،