ކޮވިޑް-19: ބްރެޒިލްގައި މަރުވި މީހުންގެ އަދަދު ލައްކައަކަށް
ނުރައްކާތެރި ވައިރަހަކުން ޖެހޭ ބައްޔެއް ކަމަށްވާ ކޮވިޑް19 ޖެހިގެން މަރުވި މީހުންގެ އަދަދު ބްރެޒިލްގައި އެއްލައްކައަށް ވުރެ މައްޗަށް އަރައިފިއެވެ. ބްރެޒިލް އަކީ ކޮވިޑް19 އެންމެ ހަލުވިކަމާއެކު ފެތުރެމުން އަންނަ ގައުމުތަކުގެ ތެރޭގައި ހިމެނޭ އެއްގައުމެވެ.
ރިކޯޑްތައް ދައްކާގޮތުގައި ބްރެޒިލް އިން 100،543 މީހަކު ވަނީ ކޮވިޑް ޖެހިގެން މަރުވެފައެވެ. އަދި 8 ހާހަށް ވުރެ ގިނަ މީހުން މިވަގުތު ވެސް ތިބީ ސީރިއަސް ހާލަތުގައެވެ. އެއާއެކު ބްރެޒިލް ގައި ކޮވިޑް-19 ޖެހިގެން މަރުވާ މީހުންގެ އަދަދު އަދިވެސް އިތުރުވާނެ ކަމަށް އޮފިޝަލުން ބުނެއެވެ.
ބްރެޒިލްގެ ރައީސް ބޮލްސޮނާރޯ ވަނީ ކޮވިޑް-19އަކީ "އާދައިގެ ރޯގާ"އެއްގެ ގޮތުގައި ތަކުރާރުކޮށް ސިފަ ކުރައްވާ، އޭނާއަށް ބަލި ޖެހުނު ނަމަވެސް މާ ބޮޑު ކަމެއް ނުވާނެ ކަމަށް ވިދާޅުވެފައެވެ.
ބްރެޒިލްގައި ކޮވިޑުގެ ހާލަތު އެހާ ގޯސްެވެފައިވަނީ ވެސް ބޮލްސޮނާރޯ އެޅި ދޯދިޔާ ފިޔަވަޅުތަކުގެ ސަބަބުން ކަމަށް ގިނަ ބަޔަކު ގަބޫލުކުރެއެވެ.
ބްރެޒިލް އަކީ މިހާތަނަށް ދުނިޔެއިން ދެ ވަނަ އަށް އެންމެ ގިނަ މީހުން ކޮވިޑް-19 އަށް ފައްސިވެފައިވާ ގައުމެވެ. އެގޮތުން އެގައުމުން މިހާތަނަށް މިލިއަނަށް ވުރެ ގިނަ މީހުން ވަނީ ފައްސިވެފައެވެ.
