އަންނަ އޭޕްރީލްގެ ނިޔަލަށް ހަތިޔާރާއެކު ސިފައިން އައްޑޫގައި ހަރަކާތްތެރިވާނެ
ކުރިއަށް އޮތް ފަސް މަސް ދުވަހުގައި ހަތިޔާރާއެކު ސިފައިން އައްޑޫގައި ތަމްރީނުތަކެއް ކުރިއަށް ގެންދަން ނިންމައިިފިއެވެ.
އައްޑޫ ސިޓީ ކައުންސިލުން މިއަދު ކުރި އިއުލާނެއްގައި ބުނެފައިވަނީ އެމްއެންޑީއެފް މެރިންކޯގެ ތަމްރީންތަކެއް އައްޑޫ ސިޓީގައި ކުރިއަށް ގެންދިއުމަށް ހަމަޖެހިފައިވާ ކަމަށެވެ. އަދި މި ތަމްރީނުތައް އައްޑޫ ސިޓީ ގެ ހުރިހާ އަވަށްތަކުގައި އަންނަ އަހަރުގެ އެޕްރީލް މަހުގެ ނިޔަލަށް ހަތިޔާރާއެކު ސިފައިން ހަރަކާތްތެރި ވާގޮތަށް ހަމަޖެހިފައިވާ ކަމަށެވެ.
މި ތަމްރީނުތަކާ ގުޅިގެން އެމްއެންޑީއެފުން ވަކި އެއްޗެއް ހާމަކޮށްފައެއް ނުވެއެވެ.
އެ ތަމްރީނުތައް ފަށާފައިވާއިރު މިދިޔަ މަހުގެ 30 ވަނަ ދުވަހު އެމްއެންޑީއެފުން ވަނީ އައްޑޫ ސިޓީގެ ގަމުގައި އަސްކަރީީ ތަމްރީނުތަކެއް ފަށައިިފައެވެ.
އެ ތަމްރީނުތައް ކުރިއަށްދާނީ މި މަހުގެ 14 އަށް ކޮންމެ ދުވަހެއްގެ ހަވީރު 18:00 އިން ފެށިގެން ރޭގަނޑު 23:59 އަށެވެ. އެ ތަމްރީނުތަކުގައި ހަތިޔާރުގެ ގޮތުގައި މިނީފްލޭއަރ އާއި ޓްރިޕް ފްލޭއަރ އާއި ޕައިރޯސް ބޭނުންކުރާނެއެވެ. ވައިގެ ސަރަހައްދު ބޭނުންކުރާނެ އެންމެ އުސްމިން 200 މީޓަރުކަމަށްވާއިރު ވައިގެ ސަރަހައްދު ބޭނުންކުރާނެ ތަނަކީ ގަމެވެ.
Ads by STO
