Monday, 16 November 2026
Advertisement
HDC — Share-Below (leaderboard)
ސަރުކާރު

ރައީސް ޞާލިޙް ޑަބްލިއުއެޗްއޯގެ ރީޖަނަލް ޑިރެކްޓަރާ ބައްދަލުކުރައްވައިފި

ރައީސް ޞާލިޙް ޑަބްލިއުއެޗްއޯގެ ރީޖަނަލް ޑިރެކްޓަރާ ބައްދަލުކުރައްވައިފި

ރައީސުލްޖުމްހޫރިއްޔާ އިބްރާހީމް މުޙައްމަދު ޞާލިޙް, ދުނިޔޭގެ ޞިއްޙަތު ޖަމިއްޔާ (ޑަބްލިއުއެޗްއޯ) އިން ދެކުނު އިރުމަތީ އޭޝިއާއަށް ކަނޑައަޅުއްވާފައި ހުންނަވާ ރީޖަނަލް ޑިރެކްޓަރު ޑރ.ޕޫނަމް ކެތްރަޕާލް ސިންގް މިއަދު ބައްދަލުކުރައްވައިފިއެވެ.

ރައީސުލްޖުމްހޫރިއްޔާގެ އޮފީހުގައި ބޭއްވި ބައްދަލުކުރެއްވުމުގައި ޑަބްލިއުއެޗްއޯގެ ރީޖަނަލް ޑިރެކްޓަރު ޑރ.ޕޫނަމް ކެތްރަޕާލް ސިންގް ދެއްްކެވި ވާހަކަފުޅުގައި ވަނީ ސިއްހީ ދާއިރާ ކުރިއެރުވުމަށް ރާއްޖެއިން ކުރަމުންދާ މަސައްކަތްތަކަށް ތައުރީފު ކުރައްވައިފައެވެ.

އެ ގޮތުން ކޮވިޑުގެ ބަލިމަޑުކަން ވަރަށް ރަނގަޅަށް މެނޭޖްކުރެވިފައިވާ ކަމަށާއި ކޮވިޑަށްފަހު ސިއްހީ ކަންކަމަށް ރާއްޖެއިން ދޭ ސަމާލުކަން ބެލެންސްކޮށް އިގުތިސާދީ ގޮތުން ފާހަގަކޮށްލެވޭ ކުރިއެރުންތަކެއް ރާއްޖެއަށް ލިބިފައިވާކަން އެ ކަމަނާ ފާހަގަކުރެއްވިއެވެ.

Advertisement
Ooredoo — Truecaller (box)

އަދި ރާއްޖޭގެ ސިއްހީ ދާއިރާ ކުރިއެރުވުމަށް ގިނަ އަދަދެއްގެ އިންވެސްޓްކުރި މަދު ޤައުމުތަކުގެ ތެރޭގައި ރާއްޖެ ހިމެނޭ ކަމަށާއި، ރާއްޖޭގެ ޖީޑީޕީގެ ގާތްގަނޑަކަށް 12 އިންސައްތަ ޚަރަދުކުރަނީ ސިއްހީ ދާއިރާ ކުރިއެރުވުމަށްކަން ވެސް ފާހަގަކުރެއްވިއެވެ.

މީގެއިތުރުން މެލޭރިއާއާއި ޕޯލިއޯ ފަދަ ގިނަ ބަލިތައް ރާއްޖެއިން ނައްތައިލުމަށް ކުރާ މަސައްކަތްތަކަށް ވެސް އެކަމަނާ ވަނީ ތައުރީފު ކުރައްވައިފައެވެ.

ބައްދަލުކުރެއްވުމުގައި ދެއްކެވި ވާހަކަފުޅުގައި ރައީސް ޞާލިޙް ވަނީ ޑަބްލިއުއެޗްއޯއިން ރާއްޖެއަށް ދެމުންގެންދާ އެއްބާރުލުމާއި އިރުޝާދަށް ޝުކުރު އަދާކުރައްވާފައެވެ. އަދި ސިއްހީ ދާއިރާއަށް ބޭނުންވާ ފަންނީ މުވައްޒަފުން ތަމްރީނުކުރުމުގައި އިތުރު ތަޖުރިބާކާރުންގެ އެހީތެރިކަން ބޭނުންވާކަމަށް ވެސް އެ މަނިކުފާނު ވިދާޅުވިއެވެ.

ހަމައެއާއެކު ދެ ބޭފުޅުން ވަނީ ސިއްހީ ދާއިރާ ކުރިއެރުވުމަށް ގުޅިގެން މަސައްކަތް ކުރައްވާނެކަމަށް ވިދާޅުވެފައެވެ.

ރިއެކްޝަން

Advertisement
Ooredoo — Truecaller (box)

ކޮމެންޓް

މި ލިޔުމަށް ކޮމެންޓް ކުރުން ވަނީ ބަންދުކޮށްފައެވެ.