އައްބާސްގެ ބަންދަށް އިތުރު ހަތް ދުވަސް
ރާއްޖޭގައި ހުންނަ އިންޑިއާގެ ހައި ކޮމިޝަންގައި ރޯކޮށްލަން ސޯޝަލް މީޑިއާގައި ހިތްވަރު ދިން ކަމަށް ތުހުމަތުކޮށް ހައްޔަރުކުރި އިދިކޮޅުގެ އެކްޓިވިސްޓް އައްބާސް އާދިލް ރިޒާގެ ބަންދަށް އިތުރު ހަތް ދުވަސް ޖަހައިފިއެވެ.
މިދިޔަ މަހުގެ 25 ވަނަ ދުވަހު އައްބާސް ހައްޔަރުކޮށްފައި ވަނީ، ކުރީގެ ރައީސް މުޙައްމަދު ނަޝީދު މަޤާމުން އިސްތިއުފާ ދެއްވުމުން، 2012 ވަނަ އަހަރުގެ ފެބްރުއަރީމަހުގެ 08 ވަނަ ދުވަހު، އައްޑޫ ސިޓީގައި ހުޅު ޖެހީ އިންޑިއާގެ އޯޑަރަކަށް ކަމަށް ބުނެ، އެކަމުގެ ބަދަލު ހިފަން އިންޑިއާ އެމްބަސީން ފަށަން ކިހިނެއްވާނެތޯ އެއްސެވުމުންނެވެ.
އޭނާގެ ބަންދަށް މުއްދަތު އިރުތުކުރީ، ކުރިން ޖެހި ފަސް މުއްދަތު މިދިޔަ މަހުގެ 30 ހަމަވުމާ ގުޅިގެން ބަންދާ މެދު ގޮތެއް ނިންމެވުމަށް ކްރިމިނަލް ކޯޓަށް ގެންދިއުމުންނެވެ.
އައްބާސް އަކީ ސޯޝަލް މީޑިއާގައި، އިންޑިއާއަށް ވަރަށް ބޮޑަށް ފާޑު ވިދާޅުވަމުން ގެންދަވާ ބޭފުޅެކެވެ. އިންޑިއާ ސިފައިން ރާއްޖޭގައި ތިބުމާ ދެކޮޅަށްވެސްް އޭނާ ވަކާލާތު ކުރައްވައެވެ.
