ރައީސް ނަޝީދުގެ ވެރިކަމުގައި، އިޤްތިޞާދު ހީނަރުވުމުން، މުސާރަތައް ކުޑަކުރި: ރައީސް
2008 ވަނަ އަހަރު ރައީސް ނަޝީދުގެ ވެރިކަމުގައި ޤައުމުގެ އިގްތިސާދަށް ލޮޅުންތަކެއް އައިކަމަށާއި އެދުވަހު ސަރުކާރުގެ މުވައްޒަފުންގެ މުސާރަ ކުޑަކޮށް، މުވައްޒަފުން މަދުކުރި ނަމަވެސް ކޮވިޑް-19 ގެ ހާލަތުގައި މިސަރުކާރުން ކަން ކުރީ އެހެން ނޫންކަމަށް ރައީސުލްޖުމްހޫރިއްޔާ އިބްރާހިމް މުހައްމަދު ޞާލިހް ވިދާޅުވެއްޖެއެވެ.
އައްޑޫ ސިޓީ ބޭއްވެވި އެމްޑީޕީގެ ރިޔާސީ ޕްރައިމަރީގެ ކެމްޕެއިން ޖަލްސާގައި ވާހަކަފުޅު ދައްކަވަމުން، ރައީސް ވިދާޅުވީ 2008 ވަނަ އަހަރު އިޤްތިޞާދަށް އައި ލޮޅުމެއްގައި ރާއްޖެއަށް އަސަރުކުރިއިރު، އެ ދުވަހު ސަރުކާރުން ކަންކުރި ގޮތާ ކޮވިޑްގެ ސަބަބުން އައި އިޤްތިޞާދީ ލޮޅުމުގައި ސަރުކާރުން ކަންކުރި ގޮތާމެދު ރައްޔިތުން ވިސްނަން ޖެހޭ ކަމަށެވެ.
"ސަރުކާރެއްގެ ޒިންމާއަކީ އަޅުގަނޑު ޤަބޫލުކުރާ ގޮތުގައި އެފަދަ ދަނޑިވަޅުތަކުގައި ރައްޔިތުންނަށް ވީވަރަކުން އެހީތެރިކަން ފޯރުކޮށްދިނުން. އެއީ ކޮވިޑާ ގުޅިގެން އަޅުގަނޑުމެން ކުރި މަސައްކަތަކީ" ރައީސް ވިދާޅުވިއެވެ.
ރައީސް ނަޝީދު ވެރިކަން ކުރެއްވި ގޮތަށް ފާޑުވިދާޅުވަމުން އިތުރަށް ރައީސް ވިދާޅުވީ އެސަރުކާރުން ދަތުރުފަތުރުގެ ނިޒާމު ފެއްޓެވުމަށް ސަތަރި ދޯންޏެއް އޮތް ކޮންމެ މީހަކަށް ފަޅުރަށެއް ދީފައިވާކަމަށެވެ.
އަދި ފަޅުރަށްތައް ދިޔައީ ބަހަމުން ކަމަށް ވިދާޅުވި އެއީ ބޮޑު "ސަކަރާތްގަނޑަކަށް" ވީކަމަށާއި އެކަމުން އަދިވެސް ސަލާމަތް ނުވެވޭކަށް ރައީސް ވިދާޅުވިއެވެ.
ނަސީދުގެ ވެރިކަމުގަ ގައުމުގެ އިގްތިސާދު ޒީރޯ ކޮށްލި . އިސްތިއުފަދިނީ ދަރަނި 26 ބިލިއަންށް އަރުވާ ހަރަދު ބިލްތަކަށް ފައިސާ ނުދެވި 2.6 ބިލިއަންރުފިޔާގެ ބިލް ފިނެންސަށް ޖަމާކޮށް ސިވިލްސާވިސްއަށް ދޭންޖެހޭ މުސާރަނުދީ 800 މިލިއން ރުފިޔާ ހިފަހައްޓާފ. ބިދޭސީންގެ ޑިޕޮޒިޓް 1.2 ބިލިއަން ރުފިޔާ ބޭނުންކޮށްފ ނުފުދިގެން އަތޮޅާރަށްރަށުގެ ރައްޔިތުންގެ އެކައުންޓް ތަކުގާހުރީ 20 ބިލިއަނެއްހާރުފިޔާ ބޭނުންކޮށްފަ ހަރުމުދާ ދިރާގާއި ފެންކުންފުންޏަާއި އެއާޕޯޓް ވިއްކާލާ ފަ އައި އެމްއެފުނަ ރާއްޖެ ބަގުރޫޓް ވަނީއޭ ގޮވުމުން ހަދާނެ ނަހަދާނެ އެއް ނޭގިގެން ގޮތްހުސްވެ ފާހުރެ. ގައުމުގެ ރިޒާވް ހުސްކޮށްލި ޑޮލަރުގެ އަގު 12.85 ިނ 15.42 އަށް ބަދަލުކުރި ރާއްޖެއިން ޑޮލަރު ލިބުން ނިމުމަކށް ނައީ ކިރިޔާ. ބްލެކް މާކެޓްގަ ޑޮލަރެއް 18 ރުފިޠަށް ޖެހުނު. މި ނަސީދުގެ 3 އަހަރުވީ ވެރިކަމަށް ވުރެ ބޮޑުގެއްލުމެއް ގައުމަށް ލިބނު ދުވަސްވަރެއް ނާދޭ. އެކަން ނަސިދު ލިއުނު އިސްތިއުފާގެ ސިޓީ ބެލުމުންވެސް އެގޭ.