ވިލިނގިއްޔާއި ކޫއްޑޫ ގުޅާލުމަށް ސަރުކާރުން ވި ވަޢުދާ އެއްގޮތަށް މަސައްކަތް ކުރިއަށްދާނެ: ރައީސް ޞާލިޙް
ވިލިނގިއްޔާއި ކޫއްޑޫ ގުޅާލުމަކީ ސަރުކާރުގެ ވަޢުދެއް ކަމަށާއި އެކަމުގެ މަސައްކަތް ކުރިއަށްދާނެ ކަމަށް ރައީސުލްޖުމްހޫރިއްޔާ އިބްރާޙިމް މުޙައްމަދު ޞާލިޙް ވިދާޅުވެއްޖެއެވެ.
ޕްރައިމްރީގެ ކެމްޕެއިންގައި ވިލިނގިލީގެ ރައްޔިތުންނާ ބައްދަލުކުރައްވާ ދެއްކެވި ވާހަކަފުޅުގައި ރައީސް ޞާލިޙް ވިދާޅުވީ ޕްރައިމަރީ އަކީ މަޝްރޫއުތައް ކުރިޔަށް ގެންދިޔުމަށްޓަކައި ވަރަށް މުހިންމު އިންތިހާބެއް ކަމަށެވެ.
އަދި ވިލިނގިލީގެ ރައްޔިތުންނަށް ސަރުކާރުން ވެފައިވާ ވަޢުދުތައް ރައްޔިތުން ބޭނުންވާ ގޮތަށް ފުއްދާނެކަމަށާއި ރަށުގެ ރައްޔިތުން އެންމެ ބޮޑަށް އެދެމުންދާ ވިލިނގިއްޔާއި ކޫއްޑޫ ގުޅާލުމުގެ މަޝްރޫޢު ފެށުމުގެ ތައްޔާރީތައް ސަރުކާރުން ވަމުންދާކަމަށް ރައީސް ޞާލިޙް ވިދާޅުވިއެވެ.
“"ވިލިނގިއްޔާ ކޫއްޑޫ ގުޅާލުމަކީ މި ސަރުކާރުގެ ވަޢުދެއް. ޕްރޮޖެކްޓްގެ އިނީޝިއަލް ޕްލޭންތައް ހެދުމުގެ މަސައްކަތް ނިމި އަގު ހޯދުމުގެ މަސައްކަތް ދަނީ ކުރިއަށް. އަދި ކޮންޓްރެކްޓަރެއް ހޯދުމުގެ މަސައްކަތް ދަނީ ކުރިއަށް. ވަޢުދާއި އެއްގޮތަށް މި މަސައްކަތް ކުރިއަށްދާނެ." ރައީސް ވިދާޅުވިއެވެ.
މީގެ އިތުރުން އަންނަ ހޮނިހިރު ދުވަހު އޮންނަ އިންތިހާބު ބޮޑުތަނުން ކާމިޔާބު ކުރައްވާނެ ކަމަށާއި އެމަނިކުފާނު ކުރިއަށް ވަޑައިގަންނަވާނީ އެންމެންނާ އެކު ކަމަށް ވެސް ރައީސް ވިދާޅުވިއެވެ.
Ads by STO
