ރައީީސް ޞާލިޙުގެ ކެމްޕެއިން: މިއަދު ކ އަތޮޅަށް ވަޑައިގެންފި
އަންނަ ހޮނިހިރު ދުވަހު ބާއްވާ އެމްޑީޕީގެ ރިޔާސީ ޕްރައިމަރީގެ ކެމްޕޭނަށް ރައީސް އިބްރާހީމް މުޙައްމަދު ޞާލިޙު ކ. އަތޮޅަށް ވަޑައިގެންފިއެވެ.
އެގޮތުންް އެމަނިކުފާނު މިއަދު ވަނީ ކ. ގުރައިދޫއަށް ވަޑައިގެންފައެވެ. ކެމްޕޭންގައި ރައީސް މިއަދު ކ. ކާށިދޫއަށްވެސް ވަޑައިގަންނަވާނެ ގޮތަށް ވަނީ ހަމަޖެހިފައެވެ.
އެމްޑީޕީގެ ރިޔާސީ ޕްރައިމަރީގައި ރައީސްއާ ވާދަކުރައްވަނީ އެމްޑީޕީގެ ރައީީސް މުޙައްމަދު ނަޝީދެވެ.
ރައީސްގެ އިތުރުން، ނަޝީދުވެސް ގެންދަވަނީ ކެމްޕޭންގައި ރަށްރަށަށް ޒިޔާރަތްކުރައްވަމުންނެވެ.
ޕާޓީގެ ރިޔާސީ ޕްރައިމަރީގެ ކެމްޕޭން ފޯރި ގަދަވެފައިވާއިރު ރައީސް ޞާލިޙާއި ރައީސް ނަޝީދުވެސް ވިދާޅުވަމުން ގެންދަވަނީ ޕްރައިމަރީ ކާމިޔާބު ކުރައްވާނެ ކަމަށެވެ.
މި މަހުގެ 28 ވަނަ ދުވަހު ބާއްވާ އެމްޑީޕީގެ ރިޔާސީ ޕްރައިމަރީ އަކީ، އެ ޕާޓީގެ ތާރީޚުގައިވެސް ބާއްވާ އެންމެ ފޯރިގަދަ އެތެރޭގެ އިންތިޚާބަށް ވެގެންދާނެއެވެ.
