އަދީބުގެ އެމްޓީޑީ އިން ރައީސް ޞާލިޙަށް މަރުހަބާ ކިޔައިފި
މޯލްޑިވްސް ތަރޑްވޭ ޑިމޮކްރެޓްސް (އެމްޓީޑީ)އިން ރައީސުލްޖުމްހޫރިއްޔާ އިބްރާހިމް މުޙައްމަދު ޞާލިޙް އެމްޑީޕީގެ ރިޔާސީ ޕްރައިމަރީ ކާމިޔާބު ކުރުމާއި ގުޅިގެން މަރުހަބާ ކިޔައިފިއެވެ.
އެމްޓީޑީން ވިދާޅުވީ ރައީސް ޞާލިޙް ދިވެހި ރާއްޖެއަށް ގެނެސްދެއްވި ހަމަޖެހުމާއި، ސުލްހަ މަސަލަސްކަމާއި ކޮވިޑްގެ ވަބާއިން ދިވެހި ޤައުމު ސަލާމަތްކޮށް ދެއްވި ހިކުމަތްތެރިކަން ދިވެހި ރައްޔިތުން ބަލައިގެންފައިވާ ކަމަށެވެ.
“އެމްޑީޕީގެ ރިޔާސީ ކެންޑިޑޭޓްް ރައީސް ޞާލިޙް އަށް މަރުހަބާ” އެމްޓީޑީން ވިދާޅުވިއެވެ.
ވާދަވެރިކަން ބޮޑު މި ޕްރައިމަރީގައި ރައީސް ޞާލިޙް ވާދަކުރެއްވީ ކުރީގެ ރައީސް އަދި ރައްޔިތުންގެ މަޖިލީހުގެ ރައީސް، މުހައްމަދު ނަޝީދާއެވެ.
ގިނަ ވޯޓު ފޮށިތައް ގުނައި ނިމިފައިވާއިރު މިހާތަނަކަށް ކަށަވަރު ކުރެވުނު ނަތީޖާތަކުން ރައީސް މުހައްމަދު ނަޝީދަށް އިންތިހާބު ކާމިޔާބު ވުމުގެ ފުރުސަތެއްނެތެވެ.
މި އިންތިހާބުގައި 57،257 މީހުންނަށް ވޯޓުލުމުގެ ހައްގު ލިބިފައިވާއިރު 30،000 އަށް ވުރެ ގިނަ މީހުން ވޯޓުލާފައިވެއެވެ. މި އިންތިހާބުގައި 243 ވޯޓު ފޮށި ބަހައްޓާފައިވެއެވެ.
