މަޑުއްވަރީގައި މަރުތޭލަކުން ޖަހައި މީހެއްގެ ބޯ ފަޅައިލައިފި
ރ.މަޑުއްވަރީގައި ރޭ ހިނގި މާރާމާރީ އެއްގައި މަރުތޭލަކުން ޖަހާ މީހެއްގެ ބޯ ފަޅާލައިފިއެވެ.
Ads by STELCO
މި ކަމާއި ގުޅިގެން ފުލުހުން ބުނެފައިވަނީ އެ ރަށުގައި މާރާމާރީއެއް ހިންގި މައްސަލަ އިއްޔެ ހަވީރު ފުލުހުންނަށް ހުށައަޅާފައި ވާކަމަށާއި އެ މާރާމާރީގައި 40 އަހަރުގެ މީހަކަށް އަނިޔާވެފައިވާ ކަމަށެވެ. ނަމަވެސް އެކަމާއި ގުޅިގެން އެއްވެސް މީހަކު މިހާތަނަށް ހައްޔަރުކޮށްފައި ނުވާކަމަށް ފުލުހުން ބުނެއެވެ.
ފުލުހުން ބުނީ އަނިޔާ ލިބުނު މީހާގެ ބޯ ވަރަށް ބޮޑަށް ފަޅައިގެން ގޮސްފައިވާ ކަމަށާއި، މިހާރު އޭނާއަށް މަޑުއްވަރީ ސިއްޙީ މަރުކަޒުން ފަރުވާ ދެމުން ދާ ކަމަށެވެ.
މި މައްސަލާގައި މިހާތަނަށް މީހަކު ހައްޔަރު ކުރެވިފައި ނުވި ނަމަވެސް ބަލަންޖެހޭ ކަންތައްތައް ބަލަމުން ދާ ކަމަށް ފުލުހުން ބުންޏެވެ.
Ads by STO
