ތުރުކީ ބިންހެލުން: ރެޑް ކްރެސެންޓުން ހުޅުވާލި ފަންޑަށް މިލިއަނަކަށްވުރެ ގިނަ ރުފިޔާ

ތުރުކީ އާއި ސީރިޔާއަށް އައި ބާރުގަދަ ބިންހެލުމުގައި ހާލުގައި ޖެހުނު މީހުންނަށް އެހީވުމަށް ދިވެހި ރެޑް ކްރެސެންޓުން ހުޅުވާލި ފަންޑަށް 1 މިލިޔަނަށްވުރެ ގިނަ ރުފިޔާ ލިބިއްޖެއެވެ.

Ads by Hajj Corporation

ރެޑް ކްރެސެންޓުން ބުނީ ތުރުކީ އާއި ސީރިޔާގައި ހާލުގައި ޖެހިފައިތިބީ މީހުންނަށް އެހީވުމަށް ފައިސާ ޖަމާކުރަން ހުޅުވާލި ފަންޑުން އިއްޔެގެ ނިޔަލަށް 1،227،632.86 ރުފިޔާ ލިބިފައިވާ ކަމަށެވެ.

Thank you for your support in donating funds towards the @ifrc Emergency Appeal for Türkiye & Syria - as of 11th February 2023, we’ve raised MVR 1,227,632.86!

Get daily updates on donations & find out how you can contribute👉 https://t.co/eK8dgW1R6K

Share the message! pic.twitter.com/rxsgLEdFEb

— Maldivian Red Crescent (@maldivianrc) February 11, 2023

މިފަންޑަށް ފައިސާ ޖަމާކުރުމުގެ ފުރުސަތު މިމަހުގެ 14 ވަނަ ދުވަހުގެ ނިޔަލަށް ވަނީ ހުޅުވާލާފައެވެ. އެގޮތުން ބޭންކް އޮފް މޯލްޑިވްސްއާއި އިސްލާމިކް ބޭންކްގައި ހުޅުވާފައިވާ ރެޑްކްރެސެންޓުގެ ދިވެހި ފައިސާގެ އެކައުންޓާއި ޑޮލަރު އެކައުންޓަށް ފައިސާ ޖަމާކުރެވޭނެއެވެ.

ފައިސާގެ އެހީތެރިކަން ފޯރުކޮށްދިނުމަށް:

ބީއެމްއެލް

ދިވެހި ފައިސާ އެކައުންޓް :7701176022001
ޑޮލަރު އެކައުންޓް: 7701176022002

އިސްލާމިކް ބޭންކް

ދިވެހި ފައިސާ އެކައުންޓް: 99010155500036100
ޑޮލަރު އެކައުންޓް: 99010155500036200

ޖެނުއަރީ މަހުގެ 6 ވަނަ ދުވަހު ތުރުކީ އާއި ސީރިއާއަށް ދާދި ފަހުން އައި ބިންހެލުމަކީ ފަހުގެ ތާރީޙެއްގައި ކުރިމަތިވި އެންމެ ނުރައްކާތެރި ހާދިސާއެވެ. 7.8 މެގްނިޓިއުޑްގެ ބާރުމިނުގައި އައި މި ބިންހެލުމާ އެކު އެތައް ފަހަރެއްގެ މަތިން އާފްޓާ ޝޮކްތަކެއް އައިސްފައިވެއެވެ.