ޤާސިމަކީ މޮޔައެއް ކަމަށް ހީކުރުމަކީ މޮޔައިން ކުރާނެ ކަމެއް: ނިހާދު
ޖުމްހޫރީ ޕާޓީގެ ލީޑަރު ޤާސިމް އިބްރާހީމަކީ މޮޔައެއް ކަމަށް ހީކުރުމަކީ މޮޔައިން ކުރާނެ ކަމެއް ކަމަށް ރަައްޔިތުންގެ މަޖިލީހުގެ ފޭދޫ ދާއިރާގެ މެމްބަރު މުޙައްމަދު ނިހާދު ވިދާޅުވެއްޖެއެވެ.
ނިހާދު މިހެން ވިދާޅުވެފައިވަނީ އެމްޑީޕީގެ ރައީސް މުޙަައްމަދު ނަޝީދުގެ ސިޔާސީ ފިކުރަށް ތާއީދު ކުރާ "ހަސަން ކުރުސީ"ގެ ޓްވިޓަރ އެކައުންޓުން ކޮށްފައިވާ ޓްވީޓަކާ ގުޅިގެންނެވެ.
މި ޓްވީޓުގައި ވަނީ ސަރުކާރާއެކު ކޯލިޝަން ހަދައިފައިވާ ޖޭޕީގެ ލީޑަރު ޤާސިމަކީ ސީޓުގެ ކުރީ ސަފުގައި ހުންނަވަން ޖެހޭ ބޭފުޅެއް ކަމަށާއި، ނަމަވެސް ޤާސިމް ފަަހަތު ސީޓުގައި ހުންނަވާތާ 15 އަހަރު ވެއްޖެ ކަމަށެވެ.
އަދި ޤާސިމް އިންތިޚާބުގައި ވާދަ ކުރުން މަޖުބޫރު ކަމަށްވެސް ބުނެފައިވެއެވެ. މި ޓްވީޓަށް ޖަވާބު ދެއްވައި، ނިހާދު ވިދާޅުވީ އަނިޔާވެރި ވެރިކަމަކަށް މަގުފަހިވާނެ އެއްވެސް ކަމެއް ޖޭޕީގެ ލީޑަރު ނުކުރައްވާނެ ކަމަށެވެ.
"އާދޭސް ކުރުމުގެ ބޭނުމެއް ނެތް. ޤާސިމް އިބްރާހީމަކީ މޮޔައެއް ކަމަށް ހީކުރުމަކީ މޮޔައިން ކުރާނެ ކަމެއް." ޤާސިމާ އޭނާގެ އަނބިކަނބަލުން، އަދި ޓްރާންސްޕޯޓް މިނިސްޓަރު އައިޝަތު ނަހުލާ ޓެގް ކުރައްވައި ނިހާދު ވިދާޅުވިއެވެ.
ނިހާދު މިހެން ވިދާޅުވިއިރު، މި އަހަރުގެ ރިޔާސީ އިންތިޚާބުގައި، ރައީސް އިބްރާހީމް މުޙައްމަދު ޞާލިޙުއާއެކުގައި ތިއްބެވުމަށް އެދިވަޑައިގެން، އެ މަނިކުފާނު ވަނީ ކޯލިޝަނުގެ ބައިވެރިންނަށް ސިޓީފުޅެއްވެސް ފޮނުއްވައިފައެވެ. އަދި އެ މަނިކުފާނުގެ ފެކްޝަނުގައި އިސްކޮށް އުޅުއްވާ މެމްބަރުން ޤާސިމާ ބައްދަލުވެސް ކުރައްވައިފައިވެއެވެ.
ގާސިމް މޮޔައަކަށް ހަދަން ތިއުޅެނީވެސް ނިހާދުމެން ، ގާސިމްގެ ހިޔަނީގައި ވެރިކަންކުރަން ތިތިބީވެސް ކަލޭމެން ، ގާސިމް ނުކުމެދާނެތީ ފާޑޫފާޑުގެ ވާހަކަ ތިދައްކަނީ